અમદાવાદ : ગુજરાત સરકારશ્રીના રમતગમત, યુવા અને સાંસ્કૃતિક પ્રવૃતિઓ વિભાગ દ્વારા આયોજિત 65મી સુબ્રટો મુખર્જી ફૂટબોલ ટુર્નામેન્ટ 2026માં સ્પોર્ટસ ઓથોરીટી ઓફ ગુજરાત (SAG), વડનગરની ટીમે અદ્ભુત પ્રદર્શન કરીને ચેમ્પિયનશિપ પોતાની નામે કરી છે. આ સ્પર્ધાના અંડર-17 વયજૂથના ભાઈઓની શ્રેણીમાં સમગ્ર ગુજરાતમાંથી કુલ 22 ટીમોએ ઉત્સાહભેર ભાગ લીધો હતો.
આ ટુર્નામેન્ટની ફાઈનલ મેચ તા.10 ઓગસ્ટ, 2026ના રોજ સુરત સ્થિત ‘ફાઉન્ટન હેડ સ્કૂલ’ ખાતે રમાઈ હતી. જેમાં સ્પોર્ટસ ઓથોરીટી ઓફ ગુજરાત (SAG) વડનગર અને જુનાગઢ સીટી વચ્ચે કાંટાની ટક્કર જોવા મળી હતી. શાનદાર રમતનું પ્રદર્શન કરતા SAG વડનગરની ટીમે જુનાગઢ સીટીને 4-0થી માત આપીને ફાઇનલમાં ભવ્ય વિજય મેળવ્યો હતો, જ્યારે જુનાગઢ સીટીની ટીમ રનર્સ અપ રહી હતી.
ટીમની આ સ્મરણીય સફળતા પાછળ કોચિંગ સ્ટાફનું યોગદાન મહત્વપૂર્ણ રહ્યું છે. સ્પોર્ટસ ઓથોરીટી ઓફ ગુજરાત (નિકોલ, અમદાવાદ)ના હેડ કોચ મંયક સેલર, મોહસીન મલેક તથા એક્ષપર્ટ કોચ શીવા સર દ્વારા અંડર-17ના તમામ ખેલાડીઓની બારીકાઈથી પસંદગી કરવામાં આવી હતી. તેમના નેતૃત્વમાં ખેલાડીઓને શ્રેષ્ઠ ફિઝીકલ અને ટેકનીકલ ટ્રેનિંગ તથા યોગ્ય પ્રશિક્ષણ પૂરું પાડવામાં આવ્યું હતું. આ ઉપરાંત, ટીમ કોચ સત્યનારાયણ ચુડાનાના ઉત્કૃષ્ટ માર્ગદર્શન અને વ્યૂહરચનાએ ફાઇનલમાં ટીમને વિજેતા બનાવવામાં નિર્ણાયક ભૂમિકા ભજવી હતી.
વિજેતા ટીમ (SAG વડનગર):
ટીમનું નેતૃત્વ કેપ્ટન દિવ્યમ મેહુલભાઇ પટેલે કર્યું હતું. વિજેતા ટીમના ખેલાડીઓની યાદી નીચે મુજબ છે:
1. દિવ્યમ મેહુલભાઇ પટેલ (કેપ્ટન)
2. નીલ લીલાધર ચાંદેકર
3. દેવર્સ સંજયભાઇ પટેલ (ગોલ કીપર)
4. ઓમ તરૂણભાઇ દરજી
5. પૃથ્વી દશરથભાઇ પરમાર
6. દિવ્યમ ગૌતમભાઇ પરમાર
7. સ્મીત નરેશભાઇ સુરતી
8. રોહન બાસવેન્દ્રભાઇ અમ્બીગર
9. સાવન દેવાભાઇ ચૌધરી
10. બિદયુતજોય ખુદીરામ રેનગ
11. રાજવીરસિંગ અભેસિંગ વાલા
12. ધ્રુવવ્રજરાજસિંહ વનરાજસિંહ ચુડાસમા
13. સત્યનારાયણ બજેન્દ્ર રેનગ
રાજ્ય કક્ષાએ ઝળહળતી સફળતા મેળવ્યા બાદ હવે સ્પોર્ટસ ઓથોરીટી ઓફ ગુજરાત (SAG) વડનગરની અંડર-17 ફૂટબોલ ટીમ દિલ્હી ખાતે યોજાનાર રાષ્ટ્રીય કક્ષાની 65મી સુબ્રટો મુખર્જી ફૂટબોલ સ્પર્ધા-2026માં ગુજરાત રાજ્યનું પ્રતિનિધિત્વ કરવા માટે રવાના થશે.