અમદાવાદ : અમદાવાદ શહેરમાં મિલકત સંબંધી ગુનાઓ ઉકેલવા માટે પોલીસે સક્રિય કામગીરી હાથ ધરી છે.અમદાવાદ શહેરમાં બનેલા વાહન ચોરીના અનડિટેક્ટ ગુનાનો ભેદ ઉકેલી વાડજ પોલીસની ટીમે એક આરોપીને ઝડપી પાડ્યો છે અને બાઇક કબજે કર્યું છે. સમગ્ર મામલે પોલીસે પકડાયેલા આરોપીઓ સામે કાયદેસરની કાર્યવાહી હાથ ધરી છે.
વાડજ પોલીસ ઇન્સ્પેક્ટર એચ.પી. ગરાસીયાની સૂચના મુજબ, સર્વેલન્સ ટીમના પીએસઆઈ એચ.વી. ગોહીલ તેમજ સ્ટાફના કર્મચારીઓ પેટ્રોલિંગમાં હતા. તે દરમિયાન મળેલી સંયુક્ત બાતમી અને ટેકનિકલ એનાલિસિસના આધારે વાડજ પોલીસ સ્ટેશનમાં નોંધાયેલ બાઇક ચોરીના ગુનાનો ભેદ ઉકેલી આરોપીને મુદ્દામાલ સાથે પકડી પાડવામાં આવ્યો હતો.
પોલીસે આ કેસમાં રાજેશ આસનદાસ સામતાણી (ઉંમર 48 વર્ષ)ને ઝડપી પાડ્યો છે.આરોપી પાસેથી Honda CB Shine મોટરસાઇકલ, RTO નંબર GJ-27-CG-9674, આશરે રૂ. 40 હજારની કિંમતની, મુદ્દામાલ તરીકે કબજે કરવામાં આવી છે.આ કાર્યવાહી 14 ઓગસ્ટ, 2026ના રોજ કરવામાં આવી હતી.
પોલીસ તપાસ કરી રહી છે કે આરોપી દ્વારા અન્ય કોઈ બાઈક ચોરીને અંજામ આપ્યો છે કે કેમ અથવા તો આરોપી સાથે અન્ય કોઈ વ્યક્તિ સંડાયેલું છે કે કેમ તેની તપાસ શરૂ કરવામાં આવી છે.