અમદાવાદ : ગુજરાતી સિનેમા માટે આ વર્ષ ખરેખર ખાસ રહ્યું છે. ‘લાલો’ ફિલ્મે બૉક્સ ઑફિસ પર જે ધમાકો કર્યો છે એ અભૂતપૂર્વ છે. 10 ઑક્ટોબર, શુક્રવારના રોજ થિયેટરોમાં રિલીઝ થયેલી આ ફિલ્મે શરૂઆતમાં ભલે ધીમી ગતિ પર આગળ વધી હોય, પરંતુ ધીમે ધીમે તેણે દર્શકોનાં દિલ જીતી લીધાં અને હવે એ રેકોર્ડ તોડી રહી છે.
પ્રાપ્ત રિપોર્ટ મુજબ, ગત 10 ઓક્ટોબરે રિલીઝ થયેલી ફિલ્મ ‘લાલો: શ્રી કૃષ્ણ સદા સહાયતે’એ બોક્સ ઓફિસ પર તહલકો મચાવી દીધો છે. ધીમી શરૂઆત કરનારી આ ફિલ્મે દિવાળી પછી રોકેટ ગતિએ આગળ વધીને 26 દિવસમાં 8.50 કરોડ+ અને વર્લ્ડવાઇડ ગ્રોસ 10 કરોડ+ કમાણી કરી લીધી છે. ફિલ્મનું બજેટ આશરે સવાથી દોઢ કરોડ કરોડ રૂપિયા હોવાનું કહેવાય છે, એટલે કે તે અત્યારથી જ સુપરહિટ સાબિત થઈ ચૂકી છે., અને ‘ચણિયા ટોળી’ (18 કરોડ)નો રેકોર્ડ તોડવાની તૈયારીમાં છે. દર્શકો થિયેટરમાંથી બહાર આવીને ‘જય દ્વારકાધીશ’ બોલી રહ્યા છે, અને સોશિયલ મીડિયા પર રિલ્સ પણ વાયરલ થઈ રહી છે.
તમને જણાવી દઈએ કે ફિલ્મે પહેલા દિવસે માત્ર 2 લાખ કમાયા હતા, અને પહેલા 18 દિવસ સુધી કલેક્શન 5 લાખથી નીચે રહ્યું. પરંતુ દિવાળી પછી દર્શકોના મોઢેથી મોઢા પ્રચારથી ફિલ્મે ધમાકો કર્યો. 19મા દિવસે પહેલીવાર 10 લાખ પાર, અને મંગળવારે 2 કરોડનો આંકડો પાર કર્યો. બુકમાયશો પર છેલ્લા 24 કલાકમાં 39 હજાર ટિકિટ વેચાઈ, જે આયુષ્માનની ‘થામા’ (36 હજાર) કરતાં વધુ છે. પરેશ રાવલની ‘ધ તાજ સ્ટોરી’ને પણ પાછળ છોડી.
ફિલ્મની સ્ટોરી ભગવાન શ્રીકૃષ્ણ સાથે જોડાયેલી છે. એક રિક્ષા ચાલક યુવક દારૂ-ખરાબ સંગતમાં ફસાય છે, ત્યારે કૃષ્ણ ભગવાન તેને સુધારવા આવે છે. શૂટિંગ જૂનાગઢના ભવનાથ, ગિરનાર, દામોદર કુંડ અને નરસિંહ મહેતાના ચોરામાં થયું છે. દર્શકો કહે છે: “આવી ફિલ્મ ક્યારેય જોઈ નથી, જૂનાગઢની ભૂમિ-સંસ્કૃતિ જીવંત થઈ.” થિયેટરમાંથી બહાર આવીને ‘જય દ્વારકાધીશ’ બોલે છે.
સોશિયલ મીડિયા પર રિલ્સ વાયરલ: દર્શકો કહે છે, “જૂનાગઢની સંસ્કૃતિ જીવંત થઈ, થિયેટરમાંથી બહાર આવીને ‘જય દ્વારકાધીશ’ બોલાવ્યું.” ફિલ્મને લઈને ગુજરાતીઓમાં ક્રેઝ વધ્યો,”ગુજરાતી ફિલ્મો માટે આ અભૂતપૂર્વ છે મોઢેથી મોઢા પ્રચારથી ધમાકો કહેવાય રહ્યુ છે.”
ફિલ્મનું બજેટ 1.5 કરોડ હતું, જે 26 દિવસમાં 4 ગણો નફો કમાઈ ચૂકી છે. વર્લ્ડવાઇડ ગ્રોસ 10 કરોડ+ પાર. ‘ચણિયા ટોળી’ (18 કરોડ)નો રેકોર્ડ તોડવાની નજીક છે.