અમદાવાદ : અમદાવાદના આનંદનગર વિસ્તારમાં યુવતી પર દુષ્કર્મ ગુજારવા મામલે પકડાયેલ આરોપી સિક્યોરિટી ગાર્ડે ધર્મસિંહે પંચનામા દરમિયાન ભાગી છૂટવાનો પ્રયાસ કર્યો હતો. પંચનામાની કામગીરી દરમિયાન આરોપીએ અચાનક પોલીસ કાફલા પર હુમલો કરી ભાગવા ગયો હતો. પોલીસે સ્વબચાવમાં ફાયરિંગ કરતા આરોપીના પગમાં ગોળી વાગી હતી.આ ઘટનામાં વિરેન્દ્રસિંહ નામનો પોલીસકર્મી પણ ઈજાગ્રસ્ત થયો હોવાનું સામે આવ્યું છે.
રિપોર્ટ મુજબ, સમગ્ર કેસ મામલે તપાસના ભાગરૂપે રવિવારે પોલીસ ટીમ આરોપીને ઘટનાસ્થળે તથા પુરાવા એકત્ર કરવા માટે હેબતપુર વિસ્તારમાં સ્પોટ પંચનામા અર્થે લઈ ગઈ હતી. પંચનામાની કાર્યવાહી ચાલી રહી હતી તે દરમિયાન આરોપી ધર્મસિંહે અચાનક જ પોલીસ કર્મચારીઓ પર હુમલો કરી દીધો હતો અને સ્થળ પરથી ફરાર થવાનો નિષ્ફળ પ્રયાસ કર્યો હતો. આ દરમિયાન થયેલી ઝપાઝપીમાં એક પોલીસ કર્મચારીને પણ શારીરિક ઈજાઓ પહોંચી હતી.
આરોપીએ પોલીસ ટીમ પર હુમલો કરી ભાગવાની કોશિશ કરતા અને પોલીસ કર્મચારીઓની સુરક્ષા જોખમમાં મુકાતાં, સ્થળ પર હજાર ઉચ્ચ અધિકારી/પીઆઈએ સ્વબચાવમાં પોતાની સર્વિસ રિવોલ્વર/પિસ્તોલમાંથી ફાયરિંગ કર્યું હતું. ગોળી આરોપીના પગના ભાગે વાગતાં જ તે લોહીલુહાણ હાલતમાં નીચે પડી ગયો હતો.ઘટના બાદ ઈજાગ્રસ્ત પોલીસકર્મી અને ઘાયલ આરોપી બંનેને તાત્કાલિક સારવાર અર્થે હોસ્પિટલ ખસેડવામાં આવ્યા હતા.
પોલીસે તાત્કાલિક ઈજાગ્રસ્ત આરોપી ધર્મસિંહ તેમજ ઘાયલ થયેલા પોલીસકર્મીને હોસ્પિટલ ખાતે સારવાર અર્થે ખસેડ્યા હતા. આ ઘટનાને પગલે ઉચ્ચ પોલીસ અધિકારીઓનો કાફલો ઘટનાસ્થળે દોડી ગયો હતો. પોલીસે સરકારી કર્મચારી પર હુમલો કરવા અને કસ્ટડીમાંથી ભાગવાનો પ્રયાસ કરવા બદલ આરોપી સામે વધુ એક ગુનો નોંધવાની તજવીજ હાથ ધરી છે.
તમને જણાવી દઈએ કે શહેરના આનંદનગર વિસ્તારમાં એક રહેણાંક સોસાયટીનો છે. પોલીસ તપાસ મુજબ, સોસાયટીમાં ભાડાના ફ્લેટમાં રહેતી અને ઇન્ટિરિયર ડિઝાઇનિંગનો અભ્યાસ કરતી યુવતી વોકિંગ માટે ધાબા પર ગઈ ત્યારે સોસાયટીમાં સિક્યુરિટી ગાર્ડ તરીકે ફરજ બજાવતો ધર્મસિંહ ત્યાં પહોંચ્યો હતો. આરોપ છે કે આરોપીએ તેનું મોઢું દબાવી ગળામાં વાયર બાંધી તેની સાથે દુષ્કર્મ આચર્યું હોવાનું ફરિયાદમાં જણાવાયું છે.