અમદાવાદ: અમદાવાદ મેડિકલ એસોસિએશન (AMA) ની નવી ટીમે તાજેતરમાં યોજાયેલા પદગ્રહણ સમારોહમાં કાર્યભાર સંભાળ્યો હતો. આ કાર્યક્રમમાં રાજ્ય કક્ષાના શિક્ષણ મંત્રી રીવાબા જાડેજા અને ઇન્ડિયન મેડિકલ એસોસિએશન (IMA) ના પ્રમુખ ડૉ. અનિલ નાયક, ડૉ. મેહુલ શાહ, ડૉ અનિલ પટેલ સહિત અન્ય મહાનુભાવો ઉપસ્થિત રહ્યા હતા.
રિપોર્ટ મુજબ, અમદાવાદ મેડિકલ એસોસિયેશનના નવા પ્રમુખ તરીકે ડો. કલ્પિતા દવેએ જવાબદારી સંભાળી છે. ડો. મૌલિક શેઠે સચિવ તરીકેની પોતાની ભૂમિકા જાળવી રાખી છે, જ્યારે ડો. નૈતિક પટેલ ખજાનચી બન્યા છે. ડો. વિપુલ શાહ અને ડો. સુનિલ પટેલ બે ઉપપ્રમુખ તરીકે કાર્યભાર સંભાળશે. અધિકારીઓએ જણાવ્યું કે, કુલ 32 ડોકટરોએ મુખ્ય ટીમ અને મેનેજિંગ કમિટીઓમાં જવાબદારીઓ સ્વીકારી છે.
મંત્રી જાડેજાએ પોતાના સંબોધનમાં સમાજ પ્રત્યેના સમર્પણ અને સેવા બદલ તબીબી જગતને અભિનંદન પાઠવ્યા હતા. ડૉ. દવેએ પોતાના વિઝનને રજૂ કરતા મહિલાઓ માટે નિવારક આરોગ્ય સંભાળ (પ્રિવેન્ટિવ હેલ્થકેર) તરીકે, ખાસ કરીને સ્ત્રીરોગ સંબંધિત કેન્સર માટે ‘પ્રોજેક્ટ પિંક એબ’ (Project Pink Ab) લોન્ચ કર્યો છે. આ પ્રોજેક્ટ ખાસ કરીને સ્ત્રીરોગ સંબંધિત કેન્સરના નિવારણ પર ધ્યાન કેન્દ્રિત કરશે. આ પહેલનો ઉદ્દેશ્ય અમદાવાદની મહિલાઓને આરોગ્ય જાગૃતિ અને પ્રારંભિક તપાસ માટે પ્રોત્સાહિત કરવાનો છે.
અમદાવાદ મેડિકલ એસોસિયેશનની આ નવી ટીમ આગામી સમયમાં શહેરના તબીબી ક્ષેત્રમાં સકારાત્મક પરિવર્તન લાવવા માટે પ્રતિબદ્ધ છે. ‘પ્રોજેક્ટ પિંક એબ’ જેવી પહેલ દ્વારા, AMA સમુદાયના સ્વાસ્થ્ય સુધારણામાં મહત્વપૂર્ણ ભૂમિકા ભજવશે તેવી અપેક્ષા છે.
અમદાવાદ મેડિકલ એસોસિએશનએ ઈન્ડીયન મેડીકલ એસોસિએશન હેઠળ આવતી મહત્વની બ્રાન્ચ છે. કોરોનાકાળ અને ખાસ કરીને દિવાળીના તહેવારો દરમિયાન doctor on call સેવા એ મેડીકલ એસોસિએશનની કામગીરી નોંધપાત્ર રહી હતી. ત્યારે જૂના પ્રેસિડેન્ટ ડો. જીગ્નેશ શાહનો કાર્યકાળ પૂર્ણ થતા પ્રમુખ સહિત નવી ટીમ અસ્તિત્વમાં આવી છે.