અમદાવાદ : અમદાવાદ શહેરમાં મિલકત સંબંધી ગુનાઓને ડામવા માટે પોલીસ કમિશનર દ્વારા આપવામાં આવેલી સૂચનાના પગલે વાડજ પોલીસ સ્ટેશનની સર્વેલન્સ ટીમે પ્રશંસનીય કામગીરી કરતા એક્ટિવા ચોરીનો ગુનો ગણતરીના દિવસોમાં ડિટેક્ટ કર્યો છે. પોલીસે બાતમીના આધારે એક રીઢા આરોપીની ધરપકડ કરી તેની પાસેથી ચોરીનું વાહન કબજે કર્યું છે.
પ્રાપ્ત વિગતો મુજબ, વાડજ પોલીસ સ્ટેશનના પોલીસ ઇન્સ્પેક્ટર વી.આર. ડાંગરના માર્ગદર્શન હેઠળ PSI જી.આર. આલ અને તેમની ટીમ જ્યારે વિસ્તારમાં પેટ્રોલિંગમાં હતી, ત્યારે હેડ કોન્સેટેબલ ડાહ્યાભાઇ બાબુભાઇ અને લોકરક્ષક દિપકુમાર રમેશભાઇને ચોક્કસ બાતમી મળી હતી. આ બાતમીના આધારે પોલીસે વોચ ગોઠવીને શંકાસ્પદ ઇસમને ઝડપી પાડ્યો હતો.આરોપીની વિગત અને મુદ્દામાલ (હોન્ડા કંપનીનું કાળા કલરનું એક્ટિવા કિંમત: આશરે 15,000/-) પકડાયેલ આરોપીની ઓળખ ઇશ્વરદાસ ગોપાલદાસ વૈષ્ણવ (ઉં.વ. 25) તરીકે થઈ છે. આરોપી મૂળ રાજસ્થાનના ઉદયપુર જિલ્લાના ગોકુંદા તાલુકાનો વતની છે અને હાલ નવા વાડજ વિસ્તારમાં રહે છે.
પોલીસની સફળ અને પ્રશંસનીય કામગીરીઆ સમગ્ર કામગીરીમાં PSI જી.આર. આલ સહિત કોન્સ્ટેબલ રણજીતસિંહ, પ્રવિણભાઇ, દિપકુમાર અને રાયટર કેતનકુમાર જોડાયા હતા. પોલીસે આરોપી વિરુદ્ધ બી.એન.એસ. (BNS) ની કલમ 303(2) મુજબ ગુનો નોંધી આગળની કાયદેસરની કાર્યવાહી હાથ ધરી છે.