અમદાવાદ : અમદાવાદ મેડિકલ એસોસિએશન (AMA) દ્વારા અટલ કલામ ઇનોવેશન સેન્ટર, ગુજરાત યુનિવર્સિટી ખાતે આયોજિત AMA LIVEWELLCON 2026 કોન્ફરન્સ ભવ્ય રીતે પૂર્ણ થયું, જેમાં આશરે 900થી વધુ ડૉક્ટર્સે ભાગ લીધો.“Beyond Scalpel & Stethoscope” થીમ પર આધારિત આ કોન્ફરન્સ ડૉક્ટર્સની ક્લિનિકલ ભૂમિકાની બહાર જઈને તેમના સર્વાંગી વિકાસ પર કેન્દ્રિત રહી હતી.
અમદાવાદ મેડિકલ એસોસિએશન (AMA) દ્વારા યોજાયેલ AMA LIVEWELLCON 2026 કોન્ફરન્સનું મુખ્ય આકર્ષણ Gujarat Medical Value Travel (MVT) Stakeholder Consultation રહ્યું, જે ગુજરાત ટુરિઝમ સાથે સંયુક્ત રીતે યોજાયું હતું. આ સત્રમાં હેલ્થકેર, ટ્રાવેલ અને હોસ્પિટાલિટી ક્ષેત્રના નિષ્ણાતોએ ભાગ લીધો અને ગુજરાતને વૈશ્વિક મેડિકલ ટૂરિઝમ હબ તરીકે વિકસાવવા માટે વ્યૂહરચનાઓ પર ચર્ચા કરી.કોન્ફરન્સમાં કમ્યુનિકેશન સ્કિલ્સ, ફિટનેસ, ફાઇનાન્શિયલ લિટરેસી અને મેન્ટલ વેલબીંગ જેવા મહત્વપૂર્ણ વિષયો પર વિશેષ સત્રો યોજાયા.
આ પ્રસંગે AMA ના પ્રમુખ ડૉ. જિગ્નેશ શાહએ જણાવ્યું હતું:“આ કોન્ફરન્સ ડૉક્ટર્સ માટે નવી દિશા દર્શાવે છે, જેમાં ક્લિનિકલ નિપુણતા સાથે કમ્યુનિકેશન, ફાઇનાન્સ અને વ્યક્તિગત વેલબીંગ પર પણ ભાર મુકવામાં આવ્યો છે. 900થી વધુ ડૉક્ટર્સની હાજરી એ બદલાવ માટેની તૈયારી દર્શાવે છે.”
AMA ના સન્માનનીય સચિવ ડૉ. મૌલિક શેઠએ જણાવ્યું હતું:“કમ્યુનિકેશન સ્કિલ્સ, ફિટનેસ, ફાઇનાન્સ, ભગવદ ગીતા અને હ્યુમર ઇન મેડિસિન જેવા વિષયો પર મળેલો ઉત્સાહજનક પ્રતિસાદ બતાવે છે કે ડૉક્ટર્સ હવે સર્વાંગી વિકાસ તરફ આગળ વધી રહ્યા છે. આ કોન્ફરન્સે ભવિષ્યના મેડિકલ ઇવેન્ટ્સ માટે નવો માપદંડ સ્થાપિત કર્યો છે.”
કોન્ફરન્સમાં નીચે મુજબના વિશેષ સત્રો યોજાયા:
•ડૉક્ટર-પેશન્ટ કમ્યુનિકેશન સ્કિલ્સ
•ડૉક્ટર્સ માટે ફિટનેસ અને મેન્ટલ વેલબીંગ
•પર્સનલ અને બિઝનેસ ફાઇનાન્સ
•ભગવદ ગીતા અને હ્યુમર ઇન મેડિસિન જેવા અનોખા વિષયો
•મેડિકલ વિદ્યાર્થીઓ માટે ખાસ સત્રો
મેડિકલ વેલ્યુ ટ્રાવેલ કન્સલ્ટેશનમાં IVF, ડેન્ટલ, કોસ્મેટિક અને વેલનેસ ટૂરિઝમ જેવા ક્ષેત્રોમાં સફળ મોડેલ્સ પરથી ચર્ચા કરવામાં આવી અને અંતે કાર્યાત્મક માર્ગદર્શિકા અને સ્પષ્ટ રોડમેપ સાથે સત્ર પૂર્ણ થયું. AMA LIVEWELLCON 2026 તેની નવીનતા, વ્યાપકતા અને પ્રભાવશાળી આયોજન માટે વ્યાપક પ્રશંસા પામી રહ્યું છે.