અમદાવાદ : અમદાવાદ આરટીઓ સુભાષબ્રિજ સુવિધા ખાતે બીજો ઓટોમેટેડ ડ્રાઇવિંગ ટેસ્ટ ટ્રેક ઊભો કરવાની યોજના બનાવી રહ્યું છે. આ ટ્રેક શરૂ થયા બાદ ડ્રાઈવિંગ લાયસન્સનું કામ ઝડપી બનશે અને અરજી કરનારાઓનો સમય બચશે, તેમ સૂત્રોએ જણાવ્યું હતું. હાલમાં આરટીઓ ખાતે એક જ AI ડ્રાઇવિંગ ટેસ્ટ ટ્રેક કાર્યરત હોવાના કારણે અરજદારોને લાંબુ વેઇટિંગ વેઠવું પડી રહ્યું છે. અત્યારે ફોર-વ્હીલર ડ્રાઇવિંગ ટેસ્ટ માટે 50થી 55 દિવસ અને ટુ-વ્હીલર માટે 30 દિવસ જેટલું લાંબુ વેઇટિંગ જોવા મળી રહ્યું છે.
રિપોર્ટ મુજબ, અમદાવાદ આરટીઓ પાસે ફક્ત એક જ AI-સક્ષમ ડ્રાઇવિંગ ટેસ્ટ ટ્રેક છે, જેના કારણે ટુ-વ્હીલર લાઇસન્સ ટેસ્ટ માટે લગભગ 30 દિવસ અને ફોર-વ્હીલર લાઇસન્સ માટે ટેસ્ટ માટે 50 થી 55 દિવસનો વેઇટિંગ પીરિયડ પડે છે.આ વેઇટિંગ પિરિયડને અડધો કરવાના હેતુથી અમદાવાદ RTO ખાતે આગામી 6થી 8 મહિનામાં બીજો AI ડ્રાઇવિંગ ટેસ્ટ ટ્રેક શરૂ કરવાની તૈયારીઓ ચાલી રહી છે. આ માટે હાલ પ્લાનિંગ અને ડિઝાઇનિંગ સહિતની જરૂરી પ્રક્રિયા હાથ ધરવામાં આવી રહી છે.હવે શહેરમાં કુલ 3 ટ્રેક બનશે.
આરટીઓ અધિકારીઓના જણાવ્યા અનુસાર, હાલની સુવિધા AI-આધારિત ટેસ્ટિંગના પહેલા મહિનાના ડેટા મુજબ ટુ-વ્હીલર અને ફોર-વ્હીલર અરજદારો વચ્ચે પાસ દરમાં તીવ્ર તફાવત જોવા મળે છે. 2,060 લાઇટ મોટર વ્હીકલ ટેસ્ટિંગમાંથી, ફક્ત 20% અરજદારો જ પાસ થયા, તેની તુલનામાં, અગાઉ 3,456 ટુ-વ્હીલર અરજદારોમાંથી લગભગ 70% અરજદારોએ ટેસ્ટ પાસ કર્યો હતો.
અધિકારીઓએ જણાવ્યું હતું કે ફોર વ્હીલર અરજદારોમાં લગભગ 80% પાર્કિંગ ન યોગ્ય રીતે ન કરી શકતા નાપાસ થયા હતા જ્યારે ટુ વ્હીલર ઉમેદવારો માટે, ટેસ્ટ દરમિયાન પગ નીચે રાખવો એ નાપાસ થવાનું મુખ્ય કારણ હતું. હાલમાં અહીં દરરોજ 180 ટુ વ્હીલર ટેસ્ટ અને 100 થી 110 ફોર વ્હીલર ટેસ્ટ થઈ રહ્યા છે.