અમદાવાદ : અમદાવાદની ઘાટલોડીયામાં આવેલ કેલોરેક્સ શાળામાં નમાઝ પઢવાને લઈને વિવાદ ઊભો થયો છે. ગઈકાલે થયેલ ભારે હોબાળા બાદ અને આ વિવાદ પછી આજે શાળા બંધ રહેવાના અહેવાલો સામે આવ્યા છે. આ અંગે મીડિયા રિપોર્ટ્સ અનુસાર શાળા દ્વારા વાલીઓને મેસેજ દ્વારા આ રજા અંગેની જાણકારી આપવામાં આવી છે.સમગ્ર મામલે ભારે ઉહાપોહ બાદ આજે પણ પોલીસનો ભારે બંદોબસ્ત ખડકી દેવાયો છે.
ઘાટલોડીયાની કેલોરેક્સ સ્કૂલ નમાઝ વિવાદ પછી આજે એક દિવસ પૂરતી બંધ રાખવાનો નિર્ણય કરાયો છે. કેલોરેક્સ સ્કૂલ સંચાલકોએ વાલીઓને મેસેજથી જાણ પણ કરી દીધી છે. અગમ્યકારણોસર બંને પાળીમાં શાળા બંધ રાખવાનો સંચાલકોનો નિર્ણય કર્યો છે.જોકે શાળા બંધ રાખવામાં કેમ આવી છે તેનો કોઈ ઉલ્લેખ તેમાં નથી. હાલ અગમગ્ય કારણોસર શાળાની બંને પાળીનું શૈક્ષણિક કાર્ય બંધ રાખવાનો નિર્ણય લેવાયો હોવાનું મીડિયા રિપોર્ટ્સમાં જાણવા મળી રહ્યું છે.સમગ્ર મામલે ભારે ઉહાપોહ બાદ આજે પણ પોલીસનો ભારે બંદોબસ્ત ખડકી દેવાયો છે.
તમને જણાવી દઈએ કે શહેરના ઘાટલોડિયા વિસ્તારમાં આવેલી કેલોરેક્સ ફ્યૂચર સ્કૂલમાં ઈદના તહેવાર પર બાળક પાસે નમાજ પઢાવવામાં આવી હતી અને અન્ય બાળકોને આ શીખવવામાં આવ્યું હતું. જેનો વીડિયો સોશિયલ મીડિયા પર મૂકવામાં આવ્યો હતો. વીડિયો વાલીઓ અને હિન્દુ સંગઠનોના ધ્યાને આવતા તેઓ વિરોધ નોંધાવવા માટે સ્કૂલે પહોંચ્યા હતા અને હોબાળો મચાવ્યો હતો. જે બાદ સ્કૂલ દ્વારા માફી પત્ર લખીને આપવામાં આવ્યો હતો.
