અમદાવાદ : નવરાત્રી એટલે માતાજીના નવ સ્વરૂપને પૂજવાનો અનેરો અવસર. માની આરાધના કરી ધન્ય થવાનો અવસર. નવલી નવરાત્રીની ભવ્ય ઉજવણી ચોતરફ થઈ રહી છે ત્યારે નવા વાડજ વિસ્તારમાં આવેલ લાયોનેસ કર્ણાવતી ઈંગ્લિશ સ્કૂલ તથા ગણેશ પ્રાથમિક શાળાના સંયુક્ત ઉપક્રમે શાળા કેમ્પસમાં નવરાત્રીની ભવ્ય ઉજવણી કરવામાં આવી. જેમાં શાળાના વિદ્યાર્થીઓ પરંપરાગત પોશાકમાં સુસજ્જ થઇ મન ભરીને ગરબાનો આનંદ માણ્યો હતો.
પ્રાપ્ત વિગતો મુજબ નવા વાડજ વિસ્તારમાં આવેલ લાયોનેસ કર્ણાવતી ઈંગ્લિશ સ્કૂલ તથા ગણેશ પ્રાથમિક શાળાના સંયુક્ત ઉપક્રમે શાળા કેમ્પસમાં નવરાત્રીની ભવ્ય ઉજવણી કરવામાં આવી હતી.જેમાં આજ રોજ રાસોત્સવનું આયોજન કરવામાં આવેલ હતું.જેમાં શાળાના વિદ્યાર્થીઓએ ટ્રેડિશનલ પોશાકમાં સંગીતના તાલે ભારતીય સંસ્કૃતિને ઉજાગર કરતાં સુંદર રાસ- ગરબા રજુ કરી મન મુકીને ગરબે ગુમ્યા હતા.
શાળા પ્રાંગણમાં માતાજીના ગરબા ગાઈ સૌએ માતાજીની આરાધના કરી હતી.વિદ્યાર્થીઓ હર્ષોલ્લાપૂર્વક ગરબાના તાલે ઝૂમી ઉઠ્યા હતા.શાળાનું વાતાવરણ ખેલૈયાઓના મનની જેમ સંગીતમય થઈ ગયું હતું.