અમદાવાદ : થર્ટી ફર્સ્ટ આવી રહી છે ત્યારે ગુજરાતમાં દારૂની કિંમતમાં તો વધારો થયો જ તેની સાથે પરમિટનો દર વધી ગયો છે. અમદાવાદમાં મેડિકલ ગ્રાઉન્ડ પર મળતી નવી હેલ્થ પરમિટનો દર રૂપિયા પાંચ હજારથી વધારીને રૂપિયાને 25 હજાર, જયારે રિન્યૂ કરાતી પરમિટ દર રૂપિયા 6 હજાર વધારીને રૂપિયા 20 હજાર કરી દેવાયો છે. આ ઉછાળાથી પરમિટ મેળવનારા અરજદારો અને સિવિલ હોસ્પિટલ બંનેમાં ખુશી જોવા મળી છે.
પ્રાપ્ત રિપોર્ટ મુજબ, સિવિલ હોસ્પિટલે 2025માં લિકર પરમિટ ફી પેટે રેકોર્ડબ્રેક રૂ. 5.96 કરોડની કમાણી કરી છે. 19 નવેમ્બર 2025થી નવી અને રિન્યુઅલ બંને પરમિટ માટેની મેડિકલ ટેસ્ટ ફીમાં 25 થી 30 ટકાનો વધારો કરવામાં આવ્યો હોવાથી આ આવક આગામી વર્ષે હજુ વધવાની શક્યતા છે.ગુજરાતમાં 52 હજારથી વધુ લોકો એવા છે, જેમની પાસે દારૂનો પરવાનો છે. આ પૈકી 85 ટકા લોકોએ તો સ્વાસ્થ્યનું કારણ આપીને પરવાનો મેળવેલો છે, જેનો આંકડો 45 હજાર જેટલો છે, જ્યારે રૂ. 551 હંગામી પરમિટ, 3530 મુલાકાતી પરમિટ અને 1743 પ્રવાસી આપવામાં છે. પરમિટ માટેના દરમાં હવે વધારો કરી દેવામાં આવ્યો છે.
પરમિટ કેવી રીતે મેળવી શકાય?
સરકારી નિયમો મુજબ, અનિદ્રા અને તણાવ જેવી બીમારીઓથી પીડાતા લોકો મેડિકલ ગ્રાઉન્ડ પર લિકર પરમિટ મેળવી શકે છે. અરજદારોએ નશાબંધી વિભાગમાં અરજી કરવાની હોય છે, ત્યારબાદ સિવિલ હોસ્પિટલમાં મેડિકલ ટેસ્ટ કરાવવો પડે છે અને ‘રોગી કલ્યાણ સમિતિ’માં ફી જમા કરાવવી પડે છે. મેડિકલ રિપોર્ટના આધારે પરમિટ આપવામાં આવે છે.
સિવિલ હોસ્પિટલે 2024માં 290 નવી પરમિટ આપી હતી, જે 2025માં અત્યાર સુધીમાં વધીને 833 થઈ છે. પુરુષોની સાથે મહિલા પરમિટ ધારકોની સંખ્યા પણ વધી છે. 2024માં 219 મહિલાઓને પરમિટ મળી હતી, જે 2025માં વધીને 235 થઈ છે. પરમિટ ફીમાંથી થતી આવક ‘રોગી કલ્યાણ સમિતિ’માં જાય છે, જેના કારણે 2025માં સિવિલ હોસ્પિટલને મોટી રકમ મળી છે.
ચાલુ વર્ષ દરમિયાન નવી લિકર પરમિટની ફી રૂ. 20,000 અને રિન્યુઅલ ફી રૂ. 14,000 હતી. જોકે, 19 નવેમ્બર 2025થી સિવિલ હોસ્પિટલે આ દરોમાં વધારો કર્યો છે. નવી પરમિટની ફી રૂ. 25,000 અને રિન્યુઅપલ ફી રૂ. 20,000 કરવામાં આવી છે. જેના કારણે 2026માં લિકર પરમિટથી થનારી આવક વધવાની શક્યતા છે.