અમદાવાદ : અમદાવાદના થલતેજ વિસ્તારમાં મ્યુનિસિપલના ટેક્સ વસૂલવા ગયેલા સ્ટાફ પર નિવૃત્ત IAS ના પુત્રે ચાકુથી હુમલો કર્યો હતો. હુમલો કરનારનું નામ આશીષ ત્રિપાઠી છે. પ્રાથમિક માહિતી મુજબ નિવૃત્ત IAS અધિકારી AMC માં કમિશનર રહી ચૂકેલા છે. સમગ્ર બનાવને લઈ બોડકદેવ પોલીસ સ્ટેશનમાં ફરિયાદ નોંધી તપાસ હાથ ધરી છે.
મળતી માહિતી અનુસાર, અમદાવાદ શહેરના થલેતજ વિસ્તારમાં મ્યુનિસિપલ કોર્પોરેશનના કર્મચારી પર તીક્ષ્ણ હથિયાર વડે હુમલો થયાની ઘટના સામે આવી છે. હુમલો કરનાર વ્યક્તિ બીજું કોઈ નહીં પરંતુ એક પૂર્વ IAS અધિકારીનો પુત્ર હોવાનું જાણવા મળ્યું છે. સમગ્ર મામલે વધુ તપાસ ચાલી રહી છે.
અમદાવાદ મ્યુનિસિપલ કોર્પોરેશનનો સ્ટાફ ઉત્તર પશ્ચિમ ઝોન થલતેજમાં ટેક્સની વસૂલાત કરવા માટે ગયો હતો. આ દરમિયાન ગુજરાતના નિવૃત્ત IAS અધિકારી રાધાકાંત ત્રિપાઠીના પુત્ર આશિષ ત્રિપાઠી રોષે ભરાયો હતો અને તેણે અચાનક કોર્પોરેશનના સ્ટાફ પર ચાકુ લઈને તુટી પડ્યો હતો. ઉત્તર પશ્ચિમ ઝોનમાં થલતેજમાં બનેલી આ ઘટનામાં બોડકદેવ પોલીસ સ્ટેશનમાં પોલીસ કાર્યવાહી ચાલી રહી છે.