અમદાવાદ : ગુજરાત વિધાનસભાની ચૂંટણીના ગણતરીના મહિના બાકી છે. ત્યારે રાજ્યમાં આવી રહેલી વિધાનસભાની ચૂંટણી પહેલા ગુજરાત પ્રદેશ કોંગ્રેસના નવા મહિલા પ્રમુખની નિમણુક કરવામાં આવી છે. જેમાં જેની વિરજી ઠુંમરની નિમણૂક કરવામાં આવી છે. જેની ઠુંમર ધારાસભ્ય વિરજી ઠુંમરના પુત્રી છે. ગુજરાતે કોંગ્રેસે ઘણા લાંબા સમય બાદ સૌરાષ્ટ્રમાંથી મહિલા પ્રદેશ અધ્યક્ષની નિમણૂક કરી છે.જેની ઠુમરે રાજકારણની શરૂઆત વર્ષ 2015માં અમરેલી જિલ્લા પંચાયતની ચૂંટણીમાં બાબરા તાલુકાની મોટા દેવળીયા બેઠક પરથી જિલ્લા પંચાયતના સભ્ય તરીકે ચૂંટણી જીતીને કરી હતી.
આ પૂર્વે ગુજરાત વિધાનસભા ચૂંટણી પૂર્વે કોંગ્રેસના સંગઠનના નવા માળખાની જાહેરાત કરવામાં આવી હતી. જેમાં 25 ઉપ પ્રમુખ 75 મહામંત્રીઓ અને 19 જિલ્લા પ્રમુખોના નામની જાહેરાત કરવામાં આવી હતી.જેમાં અમદાવાદ શહેર પ્રમુખ તરીકે નિરવ બક્ષીના નામની જાહેરાત કરવામાં આવી છે. જ્યારે ગુજરાતના અલગ અલગ 19 જિલ્લાના પ્રમુખો નામોની પણ જાહેરાત કરવામાં આવી હતી.
