અમદાવાદ : ગાંધીનગર લોકસભા વિસ્તારના સાંસદ અને કેન્દ્રીય ગૃહ અને સહકાર મંત્રી ગુજરાતની તેમની બે દિવસીય મુલાકાત દરમિયાન વિવિધ કાર્યક્રમમાં હાજર રહેવાના છે. તેમના હસ્તે સોમવારે અમદાવાદ-ગાંધીનગર લોકસભા ક્ષેત્ર સહિતના વિવિધ 7 કાર્યક્રમોનું ઉદ્દઘાટન અને લોકાર્પણ થશે. જેમાં SGVPમાં ગાંધીનગર લોકસભા નાઇટ પ્રીમિયર લીગનું સાંજે 5 કલાકે ઉદ્દઘાટન કરશે અને તેમની સાથે મુખ્યમંત્રી ભૂપેન્દ્ર પટેલ પણ જોડાશે.
પ્રાપ્ત રિપોર્ટ મુજબ અમિત શાહ AMC દ્વારા થલતેજ વોર્ડમાં સ્વાસ્થ્ય કેન્દ્ર, જૂના વાડજ ખાતે સ્લમ પુનર્વસન યોજના હેઠળ નવનિર્મિત EWS આવાસ, ઉપરાંત ગુજરાતી શાળા-1માં શહેર કોર્પોરેશન સ્કૂલ બોર્ડ દ્વારા નવનિર્મિત વાડજ શાળા નંબર-1નું ઉદ્દઘાટન કરશે.સ્વસ્તિક શાળાના સંસ્થાપકની સ્મૃતિમાં સ્વ. ચંદ્રપ્રકાશ પાઠક માર્ગ’નું નામકરણ અને લોકાર્પણ સવારે 11:00 કલાકે કરાશે.નવા વાડજ મિર્ચી ગ્રાઉન્ડમાં મ્યુનિ.ના વિવિધ વિકાસ કાર્યોનું ઉદ્દઘાટન કરશે. ઉપરાંત અમદાવાદ નજીકના જેતલપુર ગામ સ્થિત નારાયણ શાસ્ત્રી ટેકનોલોજી સંસ્થાનું ઉદ્દઘાટન કરશે. શાહ બીજા દિવસે મંગળવારે સાણંદ ખાતે રોડ શો અને જાહેર સભાને સંબોધશે.સાંજે 5 કલાકે SGVPમાં ગાંધીનગર લોકસભા નાઇટ પ્રીમિયર લીગનું સાંજે 5 કલાકે ઉદ્દઘાટન કરશે અને તેમની સાથે મુખ્યમંત્રી ભૂપેન્દ્ર પટેલ પણ જોડાશે.ઉપરાંત ક્રિકેટર હાર્દિક પંડ્યા પ્રીમિયર લીગના ઉદ્દઘાટનમાં હાજર રહેશે.
ગાંધીનગર લોકસભા વિસ્તાર પ્રિમિયર લીગ કુલ 13 મેદાનો પર સતત 21 દિવસ સુધી ચાલશે. આ નાઇટ ક્રિકેટ ટુનાર્મેન્ટમાં 1 હજારથી વધુ ટીમ અને 15 હજારથી વધુ ખેલાડીઓ ભાગ લેશે. પ્રત્યેક મેચ 10 ઓવરની રહેશે.આ પછી મંગળવારે તેઓ સાણંદમાં રોડ-શો અને જાહેર સભાને સંબોધશે.