અમદાવાદ : સિધુભવન ખાતે રાત્રે અકસ્માત સર્જી ફરાર થનાર આરોપીને આખરે પોલીસે ઝડપી લીધો છે. અકસ્માત બાદ ફરાર થયેલા આરોપી આજે પોલીસ સકંજામાં આવી ગયો છે. પોલીસે જ્યારે કારચાલક અંગે તપાસ કરવામાં આવી ત્યારે આરોપી ડીસા તાલુકાનો વતની અને હાલ ગુલબાઈ ટેકરા નજીક પાસપોર્ટ ઓફિસ ચાર રસ્તા પાસે આવેલી ગંગોત્રી સોસાયટીના પરેશભાઈના પીજીમાં રહેતો 21 વર્ષીય પ્રેમ મુકેશભાઈ માળી હોવાનું પોલીસ તપાસમાં સામે આવ્યું છે. છે. તે સાબરમતી યુનિવર્સિટીમાં MBAના પહેલા વર્ષમાં અભ્યાસ કરે છે. તેણે તેના મિત્ર મયૂરસિંહ ટાંક પાસેથી 7 માર્ચના રોજ થાર ગાડી ચલાવવા માટે લીધી હતી. જે પછી 9 માર્ચે એટલે કે ગઈકાલે રાત્રિના પ્રેમ થાર લઈને સિંધુભવન રોડ તાજ હોટલ પાસે જતો હતો એ વખતે રાતના બે વાગ્યે અકસ્માત થયો હતો.
થારનો ચાલક ડીસા તાલુકાનો વતની અને હાલ ગુલબાઈ ટેકરા નજીક પાસપોર્ટ ઓફિસ ચાર રસ્તા પાસે આવેલી ગંગોત્રી સોસાયટીના પરેશભાઈના પીજીમાં રહેતો 21 વર્ષીય પ્રેમ મુકેશભાઈ માળી હોવાનું પોલીસ તપાસમાં ખૂલ્યું છે. તે સાબરમતી યુનિવર્સિટીમાં MBAના પહેલા વર્ષમાં અભ્યાસ કરે છે. તેણે તેના મિત્ર મયૂરસિંહ ટાંક પાસેથી 7 માર્ચના રોજ થાર ગાડી ચલાવવા માટે લીધી હતી. 9 માર્ચે એટલે કે ગઈકાલે શિવરાત્રિનો ઉપવાસ હોઈ, રાત્રે હાજર હતો એ વખતે રાત્રિના 1.32 વાગ્યે દિવ્યાંગ પટેલનો ફોન આવ્યો હતો, આથી તેણે નાસ્તો કરવા માટે તાજ હોટેલની સામે સિંધુભવન રોડ ઉપર બોલાવ્યો હતો, આથી પ્રેમ થાર લઈને સિંધુભવન રોડ તાજ હોટેલ પાસે જતો હતો એ વખતે રાતના બે વાગ્યે અકસ્માત થયો હતો.
તમને જણાવી દઈએ કે સિંધુભવન રોડ પર જયદીપ વિપુલભાઈ સોલંકી નામનો સગીર મિત્રની બાઈક લઈને સિંધુભવન રોડ પરથી પસાર થઈ રહ્યો હતો. આ દરમિયાન ઓર્નેટ પાર્ક ચાર રસ્તા પાસે મહિન્દ્રા થાર કારના ચાલકે પૂરઝડપે કાર હંકારી બાઈકસવાર યુવકને અડફેટે લીધો હતો. અકસ્માત બાદ કારચાલક ઘટનાસ્થળેથી કાર મૂકીને નાસી છૂટ્યો હતો. અકસ્માતને પગલે રાહદારીઓનાં ટોળેટોળાં ઘટનાસ્થળે દોડી આવ્યાં હતાં. આ અંગેની જાણ થતાં પોલીસ પણ ઘટનાસ્થળે દોડી આવી હતી.