અમદાવાદ શહેર ભાજપ સંગઠનની જાહેરાત, પાયાના કાર્યકર્તાઓને મળી મહત્વની જવાબદારીઓ

અમદાવાદ : ગુજરાત પ્રદેશ ભાજપના સંગઠનની જાહેરાત બાદ એક બાદ એક શહેર અને જિલ્લાઓમાં સંગઠનની જાહેરાત શરૂ કરી દીધી છે. ત્યારે અમદાવાદ શહેર ભાજપ સંગઠનની જાહેરાત કરી દેવામાં આવી છે. પ્રદેશ પ્રમુખ જગદીશ વિશ્વકર્મા અને પ્રદેશ મોવડી મંડળ સાથે વિગતવાર ચર્ચા-વિચારણા બાદ મહાનગર પ્રમુખ પ્રેરક શાહ દ્વારા આ નવી ટીમની વરણી કરવામાં આવી છે.

આ નવી યાદીમાં શહેરના વિવિધ વોર્ડમાંથી પાયાના કાર્યકર્તાઓ અને અનુભવી નેતાઓને મહત્વની જવાબદારીઓ સોંપવામાં આવી છે. કુલ 22 સભ્યોની આ ટીમમાં 8 ઉપપ્રમુખ, 3 મહામંત્રી અને 7 મંત્રીઓનો સમાવેશ છે. આ ઉપરાંત, 1 કોષાધ્યક્ષ, 1 કાર્યાલય મંત્રી અને 1 સહ કાર્યાલય મંત્રીની નિમણૂક કરવામાં આવી છે. સોશિયલ મીડિયા વિભાગ, આઈ.ટી. વિભાગ અને મીડિયા વિભાગમાં પણ ઇન્ચાર્જ તેમજ સહ-ઇન્ચાર્જની જવાબદારીઓ સોંપાઈ છે. વધુમાં, યુવા મોરચા, મહિલા મોરચા, કિસાન મોરચા અને બક્ષીપંચ મોરચામાં પ્રમુખ અને મહામંત્રીઓના નામ જાહેર કરવામાં આવ્યા છે.

આ ફેરફારો પાર્ટીના ‘સંગઠન પર્વ’ કાર્યક્રમના ભાગરૂપે જોવામાં આવે છે, જે ભાજપના લોકશાહી મૂલ્યો, અનુશાસન અને કાર્યકર્તા-કેન્દ્રિત અભિગમને પ્રતિબિંબિત કરે છે. અગાઉ, 28 ડિસેમ્બર, 2025માં રાજ્ય કક્ષાએ 35 નવા પદાધિકારીઓની જાહેરાત કરવામાં આવી હતી, જેમાં 8 મહિલાઓનો સમાવેશ હતો. ત્યારબાદ 19 જાન્યુઆરી, 2026માં રાજ્ય કાર્યકારી સમિતિના 106 સભ્યોની યાદી જાહેર કરાઈ હતી. આ તમામ પગલાં આગામી નગરપાલિકા અને વિધાનસભા ચૂંટણીઓને ધ્યાનમાં રાખીને કરવામાં આવ્યા છે, જેમાં પાર્ટી યુવા નેતૃત્વ અને વર્ગીય સંતુલન પર ભાર મૂકી રહી છે.

આ નવી રચના અમદાવાદમાં ભાજપની આંતરિક ગતિશીલતાને મજબૂત કરશે અને બૂથ સ્તરની કાર્યક્ષમતા વધારશે. પાર્ટીના સૂત્રો અનુસાર, આ બદલાવો સરકાર અને સંગઠન બંનેમાં અસર કરશે, જેમાં કેબિનેટમાં પણ રીશફલની શક્યતા છે. આ જાહેરાત ગુજરાત ભાજપના વિસ્તરણ અને મજબૂતીકરણના પ્રયાસોનું મહત્વનું પગલું છે અને હવે જોવું રહ્યું કે આગામી સમયમાં આવનારું અમદાવાદ મ્યુન્સિપલ કોર્પોરેશનની ચૂંટણી અને વિધાનસભામાં આ સંગઠન ની કામગીરી કેવી રહેશે.