Thursday, November 19, 2026

નવા વાડજમાં બે કાર વચ્ચે અકસ્માતમાં એક પલટી,ખોડિયાર નગરમાં સ્કૂલ વાને સર્જ્યો અકસ્માત, BRTS રેલિંગ સાથે અથડાઈ

spot_img
Share

અમદાવાદ : શહેરના નવા વાડજ નેશનલ હેન્ડલૂમ પાસે મોડી રાત્રે 2 કાર વચ્ચે અકસ્માત સર્જાયો હતો. આ અકસ્માતમાં એક કાર પલટી જતા કારચાલક ઇજાગ્રસ્ત થયો હતો. જોકે આ ઘટનામાં વધુ કોઈ જાનહાનિ થઈ નથી. જયારે બીજી ઘટનામાં ખોડિયાર નગર વિસ્તારમાં આજે સવારે એક મોટી દુર્ઘટના ટળી હતી, જેમાં સ્કૂલના બાળકો ભરેલી એક વાન અકસ્માતનો ભોગ બની હતી. સદનસીબે, આ ઘટનામાં કોઈ જાનહાનિ થઈ નથી. આ મામલે હાલ ટ્રાફિક પોલીસ દ્વારા કાર્યવાહી કરવામાં આવી છે.

પ્રાપ્ત રિપોર્ટ મુજબ, શહેરના પશ્ચિમ વિસ્તારમાં આવેલા નવા વાડજમાં મોડી રાત્રે નેશનલ હેન્ડલૂમ પાસેના રોડ પર પૂરઝડપે આવી રહેલી બે કાર વચ્ચે અકસ્માત સર્જાયો હતો. અકસ્માત એટલો જોરદાર હતો કે અથડામણ બાદ એક કાર રસ્તા પર પલટી મારી ગઈ હતી. રાત્રિના સમયે અચાનક થયેલા ધડાકાને પગલે આસપાસના લોકો અને માર્ગ પરથી પસાર થતા વાહનચાલકો તાત્કાલિક મદદ માટે દોડી આવ્યા હતા.

આ અકસ્માતમાં કાર પલટી ખાઈ જવાને કારણે કારચાલકને શરીરે નાની-મોટી ઈજાઓ પહોંચી હતી. સ્થાનિક લોકોએ તાત્કાલિક કારમાં ફસાયેલા ચાલકને બહાર કાઢી સારવાર અર્થે હોસ્પિટલ ખસેડવાની તજવીજ હાથ ધરી હતી. રાહતની વાત એ છે કે આટલા ભયાનક અકસ્માત છતાં કોઈ પણ વ્યક્તિનું મૃત્યુ નીપજ્યું નથી અને મોટી જાનહાનિ ટળી છે.

જયારે બીજી ઘટનામાં શહેરના ખોડિયાર નગર બ્રિજ પાસે સવારના સમયે દિવાન બલ્લુભાઈ સ્કૂલના વિદ્યાર્થીઓને લઈને જઈ રહેલી એક સ્કૂલ વાન અચાનક બેકાબૂ બની હતી. વાન ચાલકે સ્ટીયરિંગ પરથી કાબૂ ગુમાવતા વાન સીધી BRTS કોરિડોરની લોખંડની રેલિંગ સાથે જોરદાર રીતે અથડાઈ હતી.અકસ્માત સમયે વાનમાં કુલ 10 વિદ્યાર્થીઓ સવાર હતા.

અકસ્માત થતા જ આસપાસના લોકો તાત્કાલિક મદદ માટે દોડી આવ્યા હતા અને વાનમાંથી બાળકોને સુરક્ષિત બહાર કાઢ્યા હતા.રાહતની વાત એ છે કે આ ગંભીર અકસ્માતમાં કોઈ પણ વિદ્યાર્થીને નાની-મોટી ઈજા પહોંચી નથી. તમામ બાળકો સુરક્ષિત હોવાથી વાલીઓ અને શાળા પ્રશાસને હાશકારો અનુભવ્યો છે.

જોકે નવા વાડજ અને ખોડિયાર નગર વિસ્તારમાં અકસ્માતની બંને ઘટનામાં વધુ કોઈ જાનહાનિ થઈ નથી. પોલીસે અકસ્માતનો ગુનો નોંધી વધુ તપાસ હાથ ધરી છે કે આ અકસ્માત સ્પીડને કારણે થયો હતો કે કેમ.

વધુ વાંચો

સ્થાનિક સમાચાર

ભાજપનું નૂતન વર્ષ સ્નેહમિલન યોજાયું, CM ભૂપેન્દ્ર પટેલે કાર્યકરોને આપ્યો ખાસ સંદેશ, 22 નવેમ્બરે મોટું આયોજન

ગાંધીનગર : દિવાળી અને નવા વર્ષના પર્વ નિમિત્તે ગુજરાત ભાજપ દ્વારા આજે પ્રદેશ કક્ષાના સ્નેહમિલન સમારોહનું આયોજન કરવામાં આવ્યું હતું. ગાંધીનગર ખાતે ભાજપના પ્રદેશ...

અંબાજી-આબુ જતા વાહનચાલકો ધ્યાન આપો! PM મોદીની મુલાકાતને પગલે 13-14 નવેમ્બર સુધી આ માર્ગો રહેશે બંધ, જાણો વૈકલ્પિક રૂટ

અંબાજી : વડાપ્રધાન નરેન્દ્ર મોદી 13 અને 14 નવેમ્બરના રોજ ગુજરાતના પ્રવાસે આવી રહ્યા છે. આ દરમિયાન તેઓ બનાસકાંઠાના પ્રસિદ્ધ યાત્રાધામ અંબાજીની મુલાકાત લેશે....

PM મોદી 13 અને 14 નવેમ્બરે ગુજરાતના પ્રવાસે : લાભ પાંચમે અંબાજી ખાતે માતાજીનાં દર્શન કરી પૂજા-અર્ચના કરશે

અંબાજી : વડાપ્રધાન નરેન્દ્ર મોદી આગામી 13 અને 14 નવેમ્બરના રોજ ગુજરાતના બે દિવસીય પ્રવાસે આવી રહ્યા છે. આ બે દિવસીય પ્રવાસ દરમિયાન તેઓ...

ગાંધીનગરમાં ગિફ્ટ સિટી નજીક મેટ્રો ટ્રાયલ રનમાં ‘બ્રેક’, કેમ અચાનક અટકી કામગીરી?

ગાંધીનગર : GMRC સંચાલિત મેટ્રો રેલ પ્રોજેક્ટના ટ્રાયલ રન દરમિયાન અચાનક એક મોટી ટેકનિકલ ક્ષતિ સર્જાવાની ઘટના સામે આવી છે.શુક્રવારે (નવમી ઓક્ટોમ્બર) સવારે ગાંધીનગરમાં...

ભાદરવી પૂનમના મહામેળાનો આજે છેલ્લો દિવસ; 40 લાખનો આંકડો પાર, જય અંબેના નાદથી ગુંજી ઊઠ્યું અંબાજી

અંબાજી : શક્તિ, ભક્તિ અને આસ્થાના મહાકુંભ સમાન ભાદરવી પૂનમના ભાદરવી મહામેળાની આજે ભવ્ય પૂર્ણાહુતિ થઈ રહી છે. સાત દિવસીય મેળાના અંતિમ દિવસે વહેલી...

ભાદરવી પૂનમ મહામેળાના બીજા દિવસે અંબાજીમાં ભક્તોનો અવિરત પ્રવાહ, 4.25 લાખથી વધુ માઈભક્તો દર્શનાર્થે

અંબાજી : અંબાજીમાં ભાદરવી પૂનમના મહામેળાનો આજે બીજો દિવસ છે. મહામેળાના બીજા દિવસે પણ અંબાજીમાં મોટી સંખ્યામાં માઈભક્તો ઉમટી રહ્યા છે. વહેલી સવારથી જ...

ભાદરવી પૂનમ મહામેળાના પ્રથમ દિવસે ‘જય અંબે’ના જયઘોષથી ગુંજી ઉઠ્યું અંબાજી, 4.5 લાખ શ્રદ્ધાળુઓએ કર્યા દર્શન

અંબાજી : આસ્થા,ભક્તિ અને શક્તિના પવિત્ર ત્રિવેણી સંગમ સમા જગતજનની મા અંબાના પાવન ધામ અંબાજી ખાતે આજથી પરંપરાગત અને વિશ્વપ્રસિદ્ધ ભાદરવી પૂનમ મહામેળો-2026નો ભવ્ય...

જન્માષ્ટમી પર્વે સોમનાથ મહાદેવને અલૌકિક ‘કૃષ્ણ દર્શન શૃંગાર’ કરાયો ; 2 કરોડના સુવર્ણ મુગટથી મહાદેવને કરાયા અલંકૃત

સોમનાથ : પ્રથમ જ્યોતિર્લિંગ એવા ગીર સોમનાથ સ્થિત શ્રી સોમનાથ મહાદેવ મંદિરમાં જન્માષ્ટમીના પાવન પર્વ નિમિત્તે અત્યંત અલૌકિક અને મનમોહક ‘કૃષ્ણ દર્શન શૃંગાર’ કરવામાં...