અમદાવાદમાં કોંગ્રેસના કદાવર નેતાના ભાણિયાએ છાકટા બની સર્જ્યો અકસ્માત, જાણો કારમાંથી શું મળ્યું

અમદાવાદ : અમદાવાદમાં કોંગ્રેસના કદાવર નેતા અને પૂર્વ ધારાસભ્ચ અને કોંગ્રેસના નેતા હિંમતસિંહ પટેલના ભાણિયાએ છાકટા બનીને અકસ્માત સર્જ્યો હતો. યુથ કોંગ્રેસના પૂર્વ શહેર પ્રમુખ વિશાલ ગુર્જરે મણિનગરમાં બે વાહનને ટક્કર મારી હતી. કારમાંથી બ્લેક ફિલ્મ અને એનએસયુઆઈની પ્લેટ મળી હતી. અકસ્માત બાદ લોકોએ તેને ઝડપીને પોલીસને સોંપ્યો હતો.જે ડિવિઝન ટ્રાફિક પોલીસે ગુનો નોંધી આરોપીની ધરપકડ કરી છે.

પ્રાપ્ત રિપોર્ટ મુજબ, મણિનગરમાં મોડી રાત્રે એક કાર ચાલકે બે વાહનોને ટક્કર મારી હતી. જેમાં એક ગાડી પર લિસોટા પડ્યા હતા, જ્યારે એક્ટિવા નીચે પડતાં નુકસાન પહોચ્યું હતું. અકસ્માત બાદ ચાલકે કારમાંથી બહાર કાઢવામાં આવતાં તે નશાની હાલતમાં હોવાનું સામે આવ્યું હતું. કારમાંથી એનએસયુઆઈની પ્લેટ મળી આવી હતી. તેમજ કારમાં બ્લેક ફિલ્મ લાગેલી હતી.

લોકોએ વિશાલ ગુર્જરને કારમાંથી બહાર કાઢીને ફટકાર્યો હતો. આ દરમિયાન મણિનગર પોલીસ પણ સ્થળ પર પહોંચી હતી. આરોપીએ નશાની હાલતમાં પીઆઇ સાથે પણ ગેરવર્તણુક કરી હતી.જે ડિવિઝન ટ્રાફિક પોલીસે ગુનો નોંધી આરોપીની ધરપકડ કરી હતી.

તમને જણાવી દઈએ કે અમદાવાદમાં રખિયાલમાં રહેતા હિંમતસિંહ કોંગ્રેસના કદાવર નેતાઓમાના નેતા માનવામાં આવે છે.તેઓ અમદાવાદ શહેરના મેયર પણ રહી ચૂક્યા છે.