અમદાવાદ: શહેરમાં સામાન્ય રીતે હાઈજીનના આગ્રહીઓ સ્ટ્રીટ ફૂડ ખાવાને બદલે હાઈફાઈ હોટલોમાં જાય છે. હાઈફાઈ હોટલ રેસ્ટોરન્ટમાં જવાથી સારા રૂપિયા આપવાના બદલામાં ગ્રાહકો સારી રીતે જમવાનું બનાવાયું હશે તેમ માની લે છે. પરંતુ શહેરના એક જાણીતા કોમો બાય કાફા નામના કેફેમાંથી ગંભીર બેદરકારીનો કિસ્સો સામે આવ્યો છે.
પ્રાપ્ત રિપોર્ટ મુજબ, ગત મંગળવારે અમદાવાદના શાહીબાગનો પરિવાર સિંધુ ભવન રોડ પર આવેલી કોમો બાય કાફા નામના કેફેમાં ગયા હતા. જ્યાં તેમને કડવો અનુભવ થયો હતો. આ પરિવારે ગાર્લિક બ્રેડ મંગાવી હતી. આ ઓર્ડર આવતા, તે ગાર્લિક બ્રેડ પર મરેલી માખી જેવી જીવાત જોવા મળી હતી. જેથી ગ્રાહકોએ આ અંગેની ફરિયાદ મેનેજરને કરી હતી.અને મેનેજરે ગ્રાહકો પાસે માફી પણ માંગી હતી.
જોકે, આ અંગેનો વીડિયો સોશિયલ મીડિયામાં ઘણો જ વાયરલ થયો છે. અમદાવાદ મહાનગરપાલિકાના ફૂડ વિભાગે આ અંગે તપાસ શરૂ કરી છે.ગ્રાહક દ્વારા ફરિયાદ કરાતા ગ્રાહકને બિલ પણ ન આપવામાં આવ્યું. જોકે, આ ઘટનામાં મોટો પ્રશ્ન એ છે કે, આટલા મોંઘાદાટ કેફેમાં પણ લોકોને સ્વચ્છતા પણ ન આવે તે ઘણી જ ગંભીર બાબત છે.
તમને જણાવી દઈએ કે ‘કોમો બાય કાફા’, જે અમદાવાદના પ્રખ્યાત અને ખર્ચાળ કાફેમાંનું એક ગણાય છે, તેની વારંવાર સેલિબ્રિટીઓ અને ક્રિકેટરો દ્વારા મુલાકાત લેવામાં આવે છે અને 20-30 મિનિટની રાહ જોવાના સમય સાથે ઘણી વખત ભારે લોકોનો સાક્ષી બને છે.
આ ઘટનાએ શહેરમાં પ્રીમિયમ ડાઇનિંગ સંસ્થાઓમાં સ્વચ્છતાના ધોરણો પર સવાલો ઉભા કર્યા છે. AMCમાં નોંધાયેલી ફરિયાદ સાથે, કાફે સામે વધુ તપાસ અને કાર્યવાહીની રાહ જોવાઈ રહી છે.