અમદાવાદ : અમદાવાદ: શહેરના પૂર્વ વિસ્તારમાં ફરી એકવાર બેફામ ડ્રાઇવિંગને કારણે ભયાનક અકસ્માત સર્જાયો છે. નિકોલના ભક્તિનગર બસ સ્ટેન્ડ પાસે આજે એક લક્ઝુરિયસ BMWની EV કારના ચાલકે સ્ટેયરિંગ પરથી કાબૂ ગુમાવતા કાર રિક્ષા સાથે અથડાઈને સીધી બસ સ્ટેન્ડમાં ઘૂસી ગઈ હતી.બસ્ટોપને પણ નુકસાન પહોંચ્યું હતું અને BMW કારને પણ બારે નુકસાન થયું હતું. અકસ્માત બાદ BMWની EV કારનો ચાલક કાર મુકીને ફરાર થઈ ગયો છે.
પ્રાપ્ત રિપોર્ટ મુજબ, અમદાવાદના નિકોલમાં ભક્તિ સર્કલ પાસેથીના AMTS બસ સ્ટેશન પાસે BMWની EV કાર પૂર ઝડપે આવી રહી હતી. આ કારે રિક્ષા ચાલકને પુર ઝડપે ટક્કર મારી હતી. કારની ટક્કર એટલી જોરદાર હતી કે રિક્ષા પલટી ખાઈને દૂર પડી હતી. જ્યારે કાર બસ સ્ટેશનમાં ઘૂસી જતા આખું બસ સ્ટેશન તૂટી ગયું છે.ઘટના સ્થળેથી અકસ્માત કરનાર બાઇક ચાલકને એક બુલેટ પર આવેલો યુવક લઈને નાસી ગયો હતો. જ્યારે રિક્ષા ચાલકને માથાના અને શરીરના ભાગે ગંભીર ઇજા થતા સારવાર માટે હોસ્પિટલ ખસેડવામાં આવ્યો છે
બનાવની જાણ થતા આઈ ડિવિઝન ટ્રાફિક પોલીસ સ્થળ પર પહોચી હતી. અકસ્માત કરનાર કાર મહારાષ્ટ્રની હોવાનું સામે આવ્યું છે. BMW કારની માલિકી કંપનીની જ છે, આ ગાડી ડેમો માટે આપવામાં આવી હતી..પોલીસની ટીમ હોસ્પિટલમાં ફરિયાદ લેવા પહોંચી છે, જ્યારે બીજી ટીમ કાર ચાલકની તપાસ કરી રહી છે.