અમદાવાદ : જો તમને પણ બહારની પાણીપુરી ભાવતી હોય તો ચેતી જજો! કારણ કે અમદાવાદમાં એક યુવતીની પાણીપુરીમાંથી હાડકું નીકળ્યું હોવાની ઘટના સામે આવી છે. જેનો વીડિયો સોશિયલ મીડિયામાં વાયરલ થયો છે. સોશિયલ મીડિયામાં વીડિયો વાયરલ થતા એએમસીનું ફ્રૂડ વિભાગ ખરાઈ કરવા માટે સ્થળ પર પહોંચ્યું હતું. જેને પગલે અમદાવાદ મ્યુનિસિપલ કોર્પોરેશન (AMC)ના ફૂડ વિભાગની તપાસ બાદ લારી જપ્ત કરાઈ છે. અને 10 હજારનો દંડ ફટકાર્યો છે.
રાણીપ વિસ્તારમાં ડી માર્ટ પાસે એક પાણીપુરીમાંથી હાડકું નીકળ્યું હોવા અંગેનો વીડિયો વાઇરલ થયો છે. વાઇરલ વીડિયોમાં યુવતી જણાવે છે કે રાણીપ ડી માર્ટ પાસે ક્રિષ્ના ભેળ પાણીપુરીવાળો ઉભો રહે છે. ગઇકાલે 15 મે શુક્રવારના રોજ એક યુવતી તેની માતા સાથે પાણીપુરી ખાવા માટે ત્યાં સાંજના સમયે 6:30 વાગ્યે પહોંચી હતી. યુવતી અને તેની માતાએ પાણીપુરી ખાધી હતી. જેમાં પાણીપુરી ખાતા સમયે એક વખત પાણીપુરીમાંથી વાળ આવ્યો હતો પરંતુ તેમને કંઈ કહ્યું નહોતું, જે અમારી ભૂલ હતી.
રાણીપ ડિમાર્ટ પાસે પાણીપુરીમાંથી હાડકુ નીકળ્યાનો વીડિયો સોશિયલ મીડિયામાં વાયરલ થયો હતો. વીડિયોમાં યુવતીએ જણાવ્યું હતું કે, પહેલા પાણીપુરીમાંથી વાળ નીકળ્યો હતો. જે બાદ બીજી પાણીપુરીમાંથી અચાનક હાડકું નીકળ્યું હતું. જે બાબતની જાણ યુવતીએ પાણીપુરીની લારીવાળાને કરતા તેણે કહ્યું કે હાડકુ નથી લાકડું છે. જે બાદ યુવતી દ્વારા અન્ય બે-ત્રણ લોકોને લાકડું છે કે હાડકું તે બાબતે પૂછપરછ કરી હતી. લોકોએ હાડકું હોવાનું જણાવ્યું હતું. જે બાદ સમગ્ર મામલે એએમસીએ પહોંચ્યો હતો.
સોશિયલ મીડિયામાં વીડિયો વાયરલ થયા બાદ આ બાબતની ફરિયાદ એએમસીના ફ્રૂડ અને એસ્ટેટ વિભાગને મળતા ફ્રૂડ વિભાગની ટીમ દ્વારા તાત્કાલીક ઘટના સ્થળે પહોંચી હતી. તેમજ પાણીપુરીવાળાની લારીને જપ્ત કરી હતી. તેમજ 10 હજારનો દંડ ફટકાર્યો હતો. આ સમગ્ર બાબતે ફ્રૂડ વિભાગ દ્વારા જણાવ્યું હતું કે ગઈકાલે સોશિયલ મીડિયા મારફતે પાણીપુરીમાંથી હાડકુ નીકળ્યાનો વીડિયો વાયરલ થયો હતો. જે વીડિયોની આધારે અમે બપોરે તપાસ હાથ ધરી હતી. જેમાં પાણીપુરીની લારી વાળાની બેદરકારી જણાઈ આવી હતી. જેના પગલે એએમસી દ્વારા પાણીપુરીની લારીવાળા સામે દંડાત્મક કાર્યવાહી કરવામાં આવી છે.