અમદાવાદ : આજે રક્ષાબંધનના પર્વના દિવસે જ અમદાવાદમાં કરુણ ઘટના સામે આવી છે. અમદાવાદમાં વધુ એક અકસ્માતની ઘટના સામે આવી છે. અમદાવાદના જુહાપુરા સરખેજ રોડ પર અકસ્માતની ઘટના બની હતી. જેમાં ટ્રકચાલકે એક્ટિવાચાલકને અડફેટે લેતાં એક મહિલાનું મોત નિપજ્યું છે.
પ્રાપ્ત રિપોર્ટ મુજબ અમદાવાદના જુહાપુરા સરખેજ રોડ પર અકસ્માતમાં એક્ટિવાચાલકને અડફેટે લીધો હતો, જેમાં એક્ટિવાચાલકની પત્ની પર ટ્રકનું ટાયર ફરી વળ્યું જેના પગલે તેનું ભર્યુ મોત થયું છે. મળતી માહિતી અનુસાર હોસ્પિટલમાં ટૂંકી સારવાર દરમિયાન મહિલાનું મોત નિપજ્યું છે. ટ્રાફિક પોલીસે ટ્રકચાલકની ધરપકડ કરી છે.
તો બીજી તરફ પાટણના સમી-શંખેશ્વર રોડ પર ગમખ્વાર અકસ્માત થયો છે. આ અકસ્માત મિની ટ્રક અને કાર વચ્ચે થયો છે. અકસ્માતમાં 3 લોકોના કમકમાટી ભર્યા મોત થયા છે. મિની ટ્રકની પાછળ કાર ઘુસી જતા સર્જાયો અકસ્માત સર્જાયો હતો. કારમાં સવાર ત્રણ વ્યક્તિના ઘટનાસ્થળે મોત થયા છે. મળતી માહિતી અનુસાર 3 યુવકો રાધનપુરના વતની હોવાનો ખુલાસો થયો છે.