અમદાવાદ : શહેરના વિવિધ વિસ્તારોમાં સ્પા અને મસાજ પાર્લર પર પોલીસ દ્વારા દરોડા પાડવામાં આવ્યા હતા. પોલીસની અલગ-અલગ 30 ટીમ દ્વારા સ્પામાં ચેકિંગ હાથ ધરાયું હતું. અમદાવાદના 215 થી વધુ સ્પા અને મસાજ પાર્લરમાં દરોડા પડવામાં આવ્યા હતું. 24 જેટલા સ્પા સંચાલકો સામે જાહેરનામા ભંગની કાર્યવાહી પણ કરવામાં આવી છે. અમદાવાદ પોલીસના અચાનક ચેકિંગથી સ્પા સંચાલકોમાં ફફડાટ ફેલાયો છે.
પ્રાપ્ત મીડિયા રિપોર્ટ મુજબ મોડી રાત્રે શહેરના વિવિધ વિસ્તારોમાં સ્પા અને મસાજ પાર્લર પર ગેરકાયદે પ્રવુતિઓ અટકાવવા એક મેગા ડ્રાઈવ યોજવામાં આવી હતી. જેમાં અમદાવાદ શહેરના અલગ અલગ પોલીસ સ્ટેશનો, મહિલા પોલીસ સ્ટેશનો અને એન્ટી હ્યુમન ટ્રાફીકીંગ અલગ-અલગ 30 ટીમ દ્વારા 215 થી વધુ સ્પા અને મસાજ પાર્લરમાં દરોડા પડવામાં આવ્યા હતા.મીડિયા રિપોર્ટ મુજબ 24 જેટલા સ્પા સંચાલકો સામે જાહેરનામા ભંગની કાર્યવાહી કરવામાં આવી છે. મહિલા પોલીસને સાથે રાખી શહેરના અલગ અલગ સ્પા સેન્ટરો પર પોલીસે તપાસ હાથ ધરી હતી.મોડી રાત્રે પોલીસની ટીમ ત્રાટકી હતી અને આ સમગ્ર કાર્યવાહી કરવામાં આવી હતી.
આ અગાઉ આનંદનગર પોલીસ દ્વારા મસાજ પાર્લર પર દરોડા પાડીને કાર્યવાહી કરવામાં આવી હતી. થોડા સમય પહેલા સિંધુભવન રોડનો એક વીડયો વાયરલ થયો હતો જેમાં સ્પામાં કામ કરતી યુવતીને ઢોર માર મરવામાં આવ્યો હતો. જેને લઈ પોલીસ હવે એક્શનમાં આવી છે. મહિલા પોલીસને સાથે રાખી શહેરના અલગ અલગ સ્પા સેન્ટરો પર પોલીસે તપાસ હાથ ધરી છે.