અમદાવાદ : અમદાવાદના સેટેલાઈટ વિસ્તારમાં મહિલાની છેડતીના આરોપને પગલે ચકચાર મચી છે. વસ્ત્રાપુર પોલીસ સ્ટેશનમાં વહેલી સવારે દૂધ ડિલિવરી કરવા આવતા યુવક દ્વારા યુવતી સાથે અભદ્ર વર્તન કરવામાં આવ્યું હોવા અંગેની ફરિયાદ નોંધાઈ છે. ફરિયાદ મુજબ, તેણે મહિલા સાથે અભદ્ર ઈશારા કર્યા હોવાનો આક્ષેપ કરવામાં આવ્યો છે.આ મામલે વસ્ત્રાપુર પોલીસ સ્ટેશનમાં ફરિયાદ નોંધાવતા પોલીસે આરોપી યુવકની ધરપકડ કરી વધુ તપાસ શરૂ કરી છે.
રિપોર્ટ મુજબ, અમદાવાદના વસ્ત્રાપુર વિસ્તારમાં 27 વર્ષીય યુવતી ફ્લેટમાં ભાડે રહે છે. મૂળ રાજસ્થાનના ઉદયપુરનો રહેવાસી અને હાલમાં વેજલપુર વિહતનગરમાં રહેતો યુવક ફ્લેટમાં વહેલી સવારે દૂધ યુવક સવારે દૂધની ડિલિવરી કરવા આવ્યો હતો. આ દરમિયાન તેણે મહિલાને અભદ્ર ઈશારા કર્યા હોવાનો આરોપ છે. ઘટનાને લઈને મહિલાએ પોલીસ ફરિયાદ નોંધાવી હતી.આ મામલે વસ્ત્રાપુર પોલીસ સ્ટેશનમાં ફરિયાદ નોંધાવતા પોલીસે આરોપી યુવકની ધરપકડ કરી વધુ તપાસ શરૂ કરી છે.
આ અગાઉ વસ્ત્રાપુરમાં આઈઆઈએમમાં અભ્યાસ કરતી એક યુવતી સાથે છેડતીનો બનાવ બન્યો હતો.જેમાં યુવતીનો આરોપ હતો કે ડિલિવરી બોય તરીકે કામ કરતા યુવક પાસેથી ખાવાનું મંગાવ્યું ત્યારે જે યુવક લઈને આવ્યો તેણે ડિલિવરી બોયે તેને એન્જલ કહીને છેડતી કરી હતી. જેમાં વસ્ત્રાપુર પોલીસે વાડજના નિપમ ઠક્કર નામના 37 વર્ષીય યુવકની ધરપકડ કરી હતી.
આ ઘટના બાદ ઘર સુધી પહોંચતી ડિલિવરી સર્વિસ દરમિયાન મહિલાઓની સુરક્ષાને લઈને પણ ચર્ચા શરૂ થઈ છે. જોકે, ફરિયાદમાં કરવામાં આવેલા આક્ષેપો અંગેની અંતિમ હકીકત પોલીસ તપાસ પૂર્ણ થયા બાદ જ સ્પષ્ટ થશે. હાલ વસ્ત્રાપુર પોલીસ સમગ્ર મામલે તપાસ કરી રહી છે. તપાસ આગળ વધશે તેમ ઘટનાને લગતી વધુ વિગતો સામે આવવાની શક્યતા છે.