અમદાવાદ: ઓઢવ વિસ્તારમાં પોલીસ અને આરોપી વચ્ચે એક ફિલ્મી દ્રશ્ય સર્જાયું. જેમાં વોન્ટેડ આરોપીને પકડવા પહોંચેલી આરોપીને પોલીસે પાંચમા માળેથી કૂદી જવાની ધમકી આપી. આ ઘટનાથી આસપાસના લોકો ભેગા થઈ ગયા. પોલીસ હાલ આરોપીને નીચે ઉતરવા માટે સમજાવ્યો અને તેની ધરપકડ માટે પ્રયાસો હાથ ધર્યા. જો કે, પોલીસ અને ફાયરની ટીમ દ્વારા એક કલાકથી વધુની ભારે જહેમત બાદ આરોપીને ઝડપી લેવાયો છે. સમગ્ર ઘટનામાં કોઈ દુર્ઘટના સર્જાઈ નથી.
પ્રાપ્ત રિપોર્ટ મુજબ, અમદાવાદના પૂર્વ વિસ્તારનો એક વીડિયો હાલ વાઇરલ થઈ રહ્યો છે. એ વીડિયોમાં દેખાતા યુવકનું નામ અભિષેક તિવારી છે અને તે કોઈ ગુનામાં વોન્ટેડ છે અને તેને પકડવા માટે પોલીસ ગઈ હતી એ સમયે તેણે આ આખું નાટક કર્યું હતું. તેને બચાવવા માટે ફાયરબ્રિગેડની ટીમ પણ ત્યાં પહોંચી હતી. એપાર્ટમેન્ટના પાંચમા માળે આવેલી એક પાળી પર બેસી ગઈ છે અને તે વીડિયોમાં નીચે નહીં ઉતારવા માટે જીદ કરી રહી છે.ત્રણ કલાક બાદ તેને ફાયરબ્રિગેડની મદદથી નીચે ઉતારી લેવામાં આવ્યો હતો. એટલું જ નહીં, આ વીડિયો શહેરના પૂર્વ વિસ્તાર એટલે કે ઓઢવમાં આવેલા શિવમ એપાર્ટમેન્ટ નજીકનો હોવાનું માનવામાં આવી રહ્યું છે.
જ્યારે બિલ્ડિંગની નીચે પણ ફાયરકર્મીઓ નેટ લઈને ઉભેલા જોવા મળી રહ્યા હતા. જેથી કરીને ગુનેગાર છલાંગ લગાવે તો તેને સલામત રીતે પકડી શકાય. બીજી બાજુ, ગેલેરીમાંથી પણ પોલીસકર્મીઓ દ્વારા તેને સતત સમજાવવાનો પ્રયાસ કરવામાં આવી રહ્યો હતો. જ્યારે તેની ઉપરની બાલ્કનીમાંથી પણ પ્રોટેક્શન હૂક અને દોરડા વડે કર્મીઓ નીચને ઉતરી તેને પકડવા તજવીજ કરી રહ્યા હતા. જોકે, છેવટે ત્રણ કલાકના ડ્રામા બાદ આખરે ગુનેગાર માન્યો હતો અને પોલીસ દ્વારા તેની ધરપકડ કરવામાં આવી હતી.