અમદાવાદ: શહેરના રાણીપ પોલીસ સ્ટેશન હદમાં આવેલ સુભાસબ્રીજ સર્કલ પાસેની હોટલમાંથી દારૂની મહેફિલ માણતા 5 નબીરા ઝડપાયા છે. આ દારૂની મહેફિલમાં 2 યુવતી સહિત કુલ 7 લોકો સામેલ હતા. તમને જણાવી દઈએ કે, રાણીપની મેટ્રોપોલ હોટલમાંથી આ દારૂની મહેફિલ ઝડપાઈ છે. હાલ પોલીસે ગુનો નોંધીને વધુ હાથ તપાસ હાથ ધરી છે.
પ્રાપ્ત રિપોર્ટ મુજબ આરોપીઓ શહેરના સુભાસબ્રીજ સર્કલ પાસે આવેલ મેટ્રોપોલ હોટલના રૂમમાં દારૂ મહેફિલ માણી રહ્યા હતા. આ ઘટનાની પોલીસને ખાનગી રાહે બાતમી મળતા પોલીસે મેટ્રોપોલ હોટલની રૂમમાં દારૂના નશામાં ધૂત બે યુવતી સહિત સાત લોકોને ઝડપી પાડ્યા હતા. જે બાદ રાણીપ પોલીસે પ્રોહીબીશન એક્ટ હેઠળ ગુનો નોંધી તપાસ શરૂ કરી દીધી છે. આ મહેફિલમાં અમદાવાદના અલગ અલગ વિસ્તારના લોકો ઝડપાયા હતા. પોલીસે તમામ લોકોને ઝડપી લીધા છે.
આ મહેફિલમાં સુનીલ આમપ્રકાશ રાજપુત (ઉમર વર્ષ 42, રહે. 25 રિધ્ધી રો હાઉસ, બાટવાળ દવાખાના પાસે નાના ચિલોડા, અમદાવાદ,), રવિ સુરેશભાઈ જગાસીયા (ઉમર 31, રહે, 54 વેદ બંગ્લોજ નવા નરોડા, અમદાવાદ), કિશોર પ્રાગજીભાઈ કોરડીયા ( ઉમર 36, રહે 101 રાધે રેશીડન્યી નાના ચીલોડા, અમદાવાદ,) હિતાંશુ રમેશકુમાર મિશ્રા ( ઉમર 31, રહે, દીલ્હી રેલવે ક્રોસીંગ ત્રીપુરાનગર જમ્મુ એ 111 વિક્ટોરીયા પોળ તથા પાશ્વનાથ ટાઉન શીપ, નવા નરોડા, અમદાવાદ,) સતીશ હરીભાઈ ચાવડા (ઉમર 30 વર્ષ, રહે. ડી/226 ઘંશ્યામ નગર, નોબલનગર, નવા નરોડા, અમદાવાદ) ઝડપાયા હતા.