અમદાવાદ : અમદાવાદના નારણપુરામાં આવેલી મુખોટે આર્ટ ગેલેરી ખાતે એક આર્ટ એક્ઝીબિશન ગેલેરી આવેલી છે. જેમાં આ વખતે અમદાવાદના જન્મદિન નિમિતે 2023 ના વર્ષમાં પણ એક અનોખા હેરિટેજ એક્ઝીબિશનનું આયોજન કરવામાં આવ્યું છે.આ હેરિટેજ એક્ઝીબિશનમાં અમદાવાદના અતુલ્ય વારસા સમાન ઐતિહાસિક સ્થાપત્ય દર્શન એક જ સ્થળે જોવા મળશે.
અમદાવાદના જન્મદિન નિમિતે 2023ના વર્ષમાં પણ અમદાવાદ હેરીટેજનું પ્રદર્શનનું આયોજન કરનાર દર વર્ષની જેમ આ વર્ષે પણ તેઓ પ્રથમ છે અને હરહંમેશની જેમ અગ્રણી રહ્યા છે.એમાં પણ વિશેષ વાત કે ગુજ્જુ આર્ટિસ્ટની પીંછી એ કંડારેલ રંગોમાં આ કળા જોવા મળે તો હવે પ્રજાનું પોતાનું માનીતું સ્થળ મુખૌટે આર્ટ ગેલેરી ,નારણપુરા, અમદાવાદ ખાતે પ્રદર્શનમાં માણી શકાય તેવું આયોજન કોકિલા જી.પટેલ,નીલુ પટેલે કરેલ છે. જે વિના મૂલ્યે તા.28 ફેબ્રઆરી સુધી સાંજે 4 થી 8 દરમિયાન નિહાળી શકાશે.
સતત કંઈક નવું કરવા હંમેશા આર્ટિસ્ટ ને પ્રોત્સાહિત કરવા એ ધ્યેય રાખે છે. આ પ્રદર્શનમાં અંકિત જોષી, ભારતી પરીખ, ડિમ્પલ ટેલર, દિનેશ શ્રીમાળી, ગિરિષ પટેલ, કમલેશ ચાવડા, નીલુ પટેલ, પ્રશાંત હિરલેકર, પ્રશાંત પટેલ, શોએબ નરમાવાલા, વિનય પંડ્યા, શ્રુતિ સોની વિગેરે આર્ટિસ્ટે ભાગ લીધેલ છે.
