અમદાવાદ : અમદાવાદના SG હાઇવે પર સોલા ભાગવત વિદ્યાપીઠની સામે આવેલી ફાઇવસ્ટાર હોટલ વિવાંતાને AMCના ઉત્તર પશ્ચિમ ઝોનના સોલિડ વેસ્ટ મેનેજમેન્ટ વિભાગ દ્વારા 50 હજાર રૂપિયાનો દંડ કરવામાં આવ્યો છે.
AMCના ઉત્તર પશ્ચિમ ઝોનના ડેપ્યુટી ડાયરેક્ટર કનકસિંહ રોહડીયા અને તેમની ટીમ દ્વારા SG હાઇવે પર સોલા ભાગવત વિદ્યાપીઠ સામે આવેલી ફાઇવસ્ટાર હોટલ વિવાંતામાં ચેકિંગ હાથ ધરવામાં આવ્યું હતું, જેમાં સૌથી પહેલા હોટલની બહારના અને અંદરના ભાગે કન્સ્ટ્રક્શન કચરો મળી આવ્યો હતો. કન્સ્ટ્રક્શનની કામગીરી અંદર ચાલુ હોવાના કારણે ત્યાં સાધન-સામગ્રી વેરવિખેર હાલતમાં પડી હતી.
આ ઉપરાંત ફાઈવ સ્ટાર હોટલ ચાલુ કર્યાના 8 મહિના થઈ ગયા છતાં રૂમ સાથે સ્વીમિંગ પુલની ફેસિલિટી હોવા છતાં હોટલ ચાલુ કરવાના જરુરી તેવું સેનેટરી કન્વેયન્સ સર્ટિફિકેટ મેળવ્યું નહોતું. આરોગ્યની જાળવણીમાં ગંભીર બેદરકારીને કારણે હોટલ વિવાંતાને 50 હજારનો દંડ ફટકારવામાં આવ્યો છે. ત્યારે આ તમામ બાબતોને લઈને હોટેલને સબક શીખવવા માટે કાર્યવાહી કરવામાં આવી છે.
ત્યારે ઉત્તર પશ્ચિમ ઝોનના ડેપ્યુટી ડાયરેક્ટર કનકસિંહ રોહડીયા અને તેમની ટીમ દ્વારા SG હાઇવે પર સોલા ભાગવત વિદ્યાપીઠ સામે આવેલી ફાઈવસ્ટાર હોટલ વિવાંતામાં ચેકિંગ હાથ ધરવામાં આવ્યું હતું.
AMCની સોલિડ વેસ્ટ મેનેજમેન્ટ વિભાગની ટીમ દ્વારા જાહેરમાં કચરો ફેંકવા ઉપરાંત ગંદકી કરનારા એકમો અને લોકો સામે કડક કાર્યવાહી હાથ ધરી છે. છેલ્લા કેટલાય સમયથી આ કામગીરી ચાલી રહી છે જેના ભાગરૂપે અલગ અલગ જગ્યાએ ટીમો દ્વારા ચેકિંગ કરવામાં આવે છે.