અમદાવાદ : અમદાવાદ RTOમાં ગંભીર બેદરકારી સામે આવી છે. છેલ્લા બે દિવસથી ડ્રાઇવિંગ લાયસન્સ માટે લેવામાં આવતી ટેસ્ટ બંધ કરવામાં આવી છે. ડ્રાઇવિંગ લાયસન્સ માટે લેવામાં આવતા સોફ્ટવેરમાં ખામી સર્જાય છે. સોફ્ટવેરમાં ટેક્નિકલ સમસ્યાને કારણે લાયસન્સ લેવા આવતા અનેક લોકોએ મુશ્કેલીનો સામનો કરવો પડ્યો છે. ટેક્નિકલ ખાનીને કારણે બે દિવસમાં અનેક લોકોને ટેસ્ટ રદ્દ કરવા પડ્યા છે.
પ્રાપ્ત રિપોર્ટ મુજબ અમદાવાદ RTOમાં છેલ્લા બે દિવસથી ડ્રાઇવિંગ લાયસન્સ માટે લેવાતો ટેસ્ટ બંધ કરાયો છે. ડ્રાઇવિંગ લાયસન્સ માટે લેવાતા ટેસ્ટ માટેના સોફ્ટવેરમાં ખામી સર્જાઈ છે. સોફ્ટવેરમાં ટેક્નિકલ સમસ્યા સર્જાતા ટેસ્ટ બંધ કરવાની ફરજ પડી છે. બે દિવસમાં અંદાજે 700 કરતા વધુ ટેસ્ટ રદ્દ કરવા પડ્યા છે. ડ્રાઇવિંગ ટેસ્ટ માટે ઉપયોગમાં લેવાતા સોફ્ટવેરને અગાઉ સિલ્વર ટચ કમ્પની દ્વારા અપાતો હતો ટેક્નિકલ સપોર્ટ. છેલ્લા 4 વર્ષથી કોન્ટ્રાક્ટ રીન્યુ ના થતા સોફ્ટવેરમાં લાલીયાવાળી ચાલતી રહી છે.
આખરે સોફ્ટવેર આધારિત સમગ્ર વ્યવસ્થા ખોરવાતા અમદાવાદ RTOમાં પણ સોફ્ટવેરમાં ખામી સર્જાતા ડ્રાઇવિંગ ટેસ્ટ બંધ કરવામાં આવી છે.આ સિવાય આગામી સમયમાં અન્ય RTOમાં પણ આવી જ સમસ્યાઓ સર્જાય તેવી દહેશત જોવા મળી રહી છે.અમદાવાદ RTOમાં ડ્રાઇવિંગ લાયસન્સ માટે આવતા હજારો લોકોએ મુશ્કેલીનો સામનો કરવો પડી રહ્યો છે.