અમદાવાદ : શહેરમાં તાજેતરમાં ભારે વરસાદના પગલે અનેક વિસ્તારોમાં પાણી ભરાવાની સમસ્યા સર્જાઈ હતી. આ વચ્ચે અમદાવાદ RTOમાં આવેલા ડ્રાઈવિંગ ટેસ્ટ માટેનો ટ્રેક પણ પાણીમાં ડૂબી ગયો હતો, જેના કારણે ટ્રેક બંધ કરવાની ફરજ પડી હતી. વરસાદી પાણી ટેસ્ટિંગ ટ્રેકમાં ભરાઈ જતા RTOના અધિકારીઓએ મ્યુનિ. કોર્પોરેશનની મદદ માગી હતી. જોકે તેમને વિચિત્ર જવાબ મળ્યો હતો.
જો કે, AMC એ એવો જવાબ આપ્યો કે, 4 ઈંચથી વધુ વરસાદી પાણી ભરાયું હોય તો જ અમે તે પાણી ઉલેચવામાં મદદ કરીએ શકીએ. આખરે RTOના કર્મચારીઓની મદદ લીધી હતી. જેમાં કર્મચારીઓને ટ્રેકની ફરતે ડોલો લઈને પાણી ઉલેચવા ગોઠવાઈ ગયા હતા. આ કામગીરી આખો દિવસ ચાલી હોવાથી 250થી 300 લોકોને પાછા જવું પડ્યું હતું.
આમ ટેસ્ટિંગ ટ્રેકમાં આ રીતે આખો દિવસ પાણી કાઢવાની કામગીરી ચાલવાને કારણે ટેસ્ટિંગ ટ્રેક બંધ હોવાથી વ્હીકલ ટેસ્ટ આપવા માટે RTOમાં આવેલા અરજદારોને પણ ધક્કો ખાઈને પાછા જવું પડ્યું હતું. અંદાજે 250થી 300 જેટલા અરજદારોને ટેસ્ટિંગ ટ્રેક બંધ હોવાના કારણે ધક્કો થતા પાછા જવું પડ્યું હતું.
