અમદાવાદ : PM મોદી હાલ ગુજરાતની બે દિવસની મુલાકાતે છે. આજે તેમના ગુજરાત પ્રવાસનો બીજો દિવસ છે. PM મોદીએ અમદાવાદમાં સાયન્સસિટીની મુલાકાત લીધી. જ્યાં આયોજીત વાઈબ્રન્ટ ગુજરાત ગ્લોબલ સમિટના 20 વર્ષના ઉજવણી કાર્યક્રમમાં પણ PM મોદીએ ભાગ લીધો. અહીં PM મોદીએ સંબોધન પણ આપ્યું.તેમણે અહીંની રોબોટિક ગેલેરીનું નિરિક્ષણ પણ કર્યુ હતું.
PM મોદી અહીં ઉપસ્થિત લોકોને સંબોધિત ક્યા. આ કાર્યક્રમમાં રાજ્યપાલ આચાર્ય દેવવ્રતજી, CM ભૂપેન્દ્રભાઇ પટેલ, ઉદ્યોગ મંત્રી બળવંતસિંહ રાજપૂત, ગૃહ રાજ્ય મંત્રી હર્ષભાઇ સંઘવી, સૂક્ષ્મ, લઘુ અને મધ્યમ ઉદ્યોગો (MSMEs) ના રાજ્યમંત્રી જગદીશ વિશ્વકર્મા, ભાજપના પ્રદેશ પ્રમુખ અને નવસારીના સાંસદ સી.આર. પાટીલ, અમદાવાદના મેયર પ્રતિભા જૈન અને મુખ્ય સચિવ રાજકુમાર ઉપસ્થિત રહ્યા.
20 વર્ષ પહેલા, તા.28મી સપ્ટેમ્બર 2003ના રોજ ગુજરાતના તત્કાલીન CM નરેન્દ્રભાઇ મોદીના દૂરંદેશી નેતૃત્વ હેઠળ ગુજરાતમાં પ્રથમવાર વાયબ્રન્ટ ગુજરાત ગ્લોબલ સમિટની શરૂઆત કરવામાં આવી હતી.
આજે વાયબ્રન્ટ ગુજરાત સમિટ ભારત અને વિશ્વમાં પણ સૌથી પ્રમુખ બિઝનેસ સમિટ તરીકે જાણીતી બની છે. આટલા વર્ષોથી વિશ્વભરના રાજ્યોના વડાઓ, અગ્રણી ઉદ્યોગપતિઓ, રાજનેતાઓ, થોટ લીડર્સ, શિક્ષણવિદો અને પ્રતિનિધિઓની હાજરી આ સમિટમાં જોવા મળે છે.
