અમદાવાદ : ચાની કિટલી પર મળતી ચાની એક પ્યાલી તમને કેટલામાં પડી શકે? કદાચ તમે કહેશો 15 રૂપિયામાં, રૂ.20માં કે, રૂ.30માં, પણ અહીં અમદાવાદમાં એક બિલ્ડરને આ ચાની પ્યાલી 15.63 લાખમાં પડી છે. અમદાવાદના બિલ્ડર તેના ભાઇ અને મિત્ર સાથે ચા પીવા ગયા હતા. તે સમયે અજાણ્યા ચોરે તેમની ગાડીનો કાચ તોડીને રૂ. 15.63 લાખ ભરેલ થેલી લઇને પલાયન થઇ ગયો હતો. આ અંગે બિલ્ડરે અજાણ્યા ચોર સામે નરોડા પોલીસ સ્ટેશનમાં ફરિયાદ નોધાવતા પોલીસે સીસીટીવી ફૂટેજના આધારે તપાસ શરૂ કરી છે.
પ્રાપ્ત વિગતો મુજબ ગાંધીનગરમાં રહેતા ભુયંકભાઇ પટેલ કંન્સ્ટ્રક્શન કંપની ધરાવે છે. જેમાં તેમની હાલમાં રણાસણ ટોલટેક્ષ પાસે નવી સાઇડ બને છે. ગત 28 સપ્ટેમ્બરે તેમને તેમની સાઇડની એક દુકાન વેચાણ આપી હતી. તેના રોકડા રૂ. 20 લાખ દુકાન ખરીદનારે આપ્યા હતા. જે બાદ તેમની સાઇડનું કામ કરતા ધર્મેન્દ્રસિંહને તેમાંથી રૂ. 1.37 લાખ ચૂકવ્યા હતા. જે બાદ તેઓ અહીં મિત્ર પાસે સાઈટની નજીક આવેલી ચાની કીટલી પર ચા પીવા ગયા અને ભુયંકભાઇએ તેમના મિત્રને પણ રૂ. 3 લાખ આપ્યા હતા અને બાકીના રૂ.15.63 લાખ થેલીમાં મૂકીને તે થેલી પાર્ક કરેલ ગાડીમાં મૂકી હતી.જોકે ચા પીને જ્યારે તેઓ અન્ય બિલ્ડરને રૂપિયા આપવાા હોવાથી કારની નજીક ગયા તો પાછળનો કાચ તૂટેલો હતો. અને ડ્રાઈવર સીટની પાછળ મુકેલી થેલી ગાયબ હતી.
બાદમાં તે રૂપિયા અન્ય બિલ્ડરને આપવાના હોવાથી તે પાર્ક કરેલ ગાડી પાસે પહોચ્યા તે સમયે ગાડીનો પાછળનો કાચ તૂટેલો હતો. જેથી તેમને ગાડીમાં ડ્રાઇવર સીટની પાછળની સીટમાં થેલીમાં મૂકેલ રૂ. 15.63 લાખ ભરેલ થેલી ગાયબ હતી. તેમને આસપાસ તપાસ કરતા પણ મળી આવ્યા ન હતા. આ અંગે બિલ્ડરે અજાણ્યા શખ્સ સામે નરોડા પોલીસ સ્ટેશનમાં ફરિયાદ નોધાવતા પોલીસે તપાસ શરૂ કરી છે. મહત્વ નું છે કે ગાડીનો કાચ તોડી લૂંટ અને ચોરી કરતી ગેંગ સક્રિય થઈ છે અને હાલમાં સેટેલાઈટમાં પણ આ પ્રકારની ઘટના સામે આવી છે.