અમદાવાદ: અમદાવાદની સેટેલાઇટ વિસ્તારમાં આવેલ એક સોસાયટીમાંથી ટૂંકા વસ્ત્રોને લઈને વિવાદ ઉભો થયો છે.જેમાં સ્થાનિક મહિલાઓએ PGમાં રહેતી યુવતીઓ સાથે માથાકૂટ કરતા હોવાનો આરોપ લગાવવામાં આવ્યો છે. આ લખાઈ રહ્યું છે ત્યારે સમગ્ર મામલો પોલીસ સ્ટેશને પહોંચ્યો હોવાનું જાણવા મળ્યું છે.
પ્રાપ્ત વિગતો મુજબ અમદાવાદમાં સેટેલાઇટ પોલીસ સ્ટેશન હદ વિસ્તારમાં આવેલ શિવરંજની સોસાયટીમાં PGમાં રહેતી યુવતીઓ અને સ્થાનિકો વચ્ચે માથાકૂટ થઈ હતી. PGમાં રહેતી યુવતીઓ ટૂંકા કપડા પહેરી સોસાયટીમાં ફરતી હોવા મુદ્દે સ્થાનિક મહિલાઓ સાથે બોલાચાલી થઈ હતી. સ્થાનિકોએ આક્ષેપ કર્યો કે PGની યુવતી ટૂંકા કપડા પહેરીને મોડી રાત્રે ગમે ત્યારે આવ-જા કરે છે. જયારે સામા પક્ષે યુવતીઓએ પણ આક્ષેપ કર્યો કે સ્થાનિકો વારંવાર ટોર્ચર કરીને ઝપાઝપી કરે છે. સેટેલાઈટ પોલીસે બંને પક્ષની અરજી લઈને તપાસ હાથ ધરી છે.
હાલ આ લખાઈ રહ્યું છે ત્યારે સમગ્ર મામલો પોલીસ સ્ટેશન સુધી પહોંચ્યો છે. યુવતીઓના પહેરવેશને લઈને સ્થાનિકો મહિલાઓએ અણછાજતા આક્ષેપો કર્યા હતા. સમગ્ર મામલે બોલાચાલી ઝપાઝપી સુધી પહોંચી હતી.સેટેલાઈટ પોલીસે બંને પક્ષની અરજી લઈને તપાસ હાથ ધરી છે.