અમદાવાદ : ક્રિકેટ રસીકો માટે મોટા તહેવાર સમાન વર્લ્ડ કપ 2023ની શરૂઆત થઇ ચુકી છે. ત્યારે પ્રથમ મેચ શરૂ થાય એ પહેલા જ BCCI એ એક મોટી જાહેરાત કરી હતી. BCCI સચિવ જય શાહએ જણાવ્યું કે સંપૂર્ણ વર્લ્ડ કપ દરમિયાન સ્ટેડિયમમાં મેચ જોવા આવતા દર્શકો માટે પીવાના પાણીની વ્યવસ્થા કરવામાં આવી છે જે સંપૂર્ણ નિઃશુલ્ક રહેશે.
જય શાહે એક ટ્વીટમાં લખ્યું કે હું આ જાહેરાત કરવામાં ખુબ જ ગર્વની લાગણી અનુભવું છું કે અમે સમગ્ર ભારતમાં સ્ટેડિયમમાં મેચ જોવા આવી રહેલા દર્શકો માટે ફ્રીમાં મિનરલ વોટર ઉપલબ્ધ કરાવી રહ્યા છીએ. પાણી પિતા રહો અને ગેમ એન્જોય કરતા રહો. આવો વર્લ્ડ કપ દરમ્યાન ક્યારેય ન ભૂલી શકનારી યાદો બનાવીએ.વર્લ્ડ કપ 2023ની આજથી શરૂઆત થઇ છે. પ્રથમ મેચ ઇંગ્લેન્ડ અને ન્યુઝીલેન્ડ વચ્ચે રમાઈ છે. ભારતીય ટીમની પ્રથમ મેચ 8 ઓક્ટોબર રવિવારે છે, જેમાં તેઓ ઓસ્ટ્રેલિયા સામે ટકરાશે.
ઉલ્લેખનીય છે મે ભારતમાં યોજાઈ રહેલા આ વર્લ્ડ કપ 46 દિવસ સુધી ચાલશે. આ વર્લ્ડ કપમાં કુલ 10 ટીમ ભાગ લઇ રહી છે. 10 વિવિધ શહેરોમાં કુલ 48 મેચ યોજાશે. પ્રથમ સ્ટેજમાં રાઉન્ડ રોબિન પેટર્ન અંતર્ગત દરેક ટીમ અન્ય 9 ટીમ સાથે એક એક મેછ રમશે. ત્યારબાદ ટોપ 4 ટીમ સેમી ફાઇનલમાં એન્ટ્રી કરશે. વર્લ્ડ કપની ફાઇનલ મેચ 19 નવેમ્બર મના રોજ અમદાવાદમાં રમાશે.