અમદાવાદ : અમદાવાદ શહેરમાં ફરી એકવાર ACBએ સપાટો બોલાવ્યો છે. જેમાં અમદાવાદ સાયબર ક્રાઇમનો પોલીસ કોન્સ્ટેબલ 10 લાખની લાંચ લેતા ઝડપાયો છે. અમદાવાદમાં આવેલા લાંચ અને રુશ્વત બ્યુરોને મળેલ ફરિયાદ મુજબ શાહીબાગ ખાતે આવેલા સાયબર ક્રાઇમ બ્રાન્ચ ખાતે ફરજ બજાવતા એક પોલીસ અધિકારીએ ફ્રીઝ થયેલા બેન્ક એકાઉન્ટને ખોલાવવા અંગે રૂપિયા 10 લાખની લાંચ માંગી હતી. જેમાં ફરિયાદીએ ટુકડે ટુકડે 7 લાખ રૂપિયાની ચુકવણી કરી ચુક્યા હતા. અને હજુ પણ બાકીના 3 લાખ રૂપિયાની પણ માંગણી કરી રહ્યા હતા.
પ્રાપ્ત રિપોર્ટ મુજબ ફરીયાદી વિરુધ્ધ સાયબર ક્રાઇમમાં અરજી થઇ હતી જે કામે ફરીયાદી વિરુધ્ધ FIR નહી કરવા અને ફરીયાદીનું ફેડરલ બેંકનું ફ્રીજ થયેલ ખાતુ ખોલવા આરોપી હરદીપસિહ ધર્મેન્દ્રસિહ પરમારએ ફરીયાદી પાસે 10 લાખની લાંચની માંગણી કરી ટુકડે-ટુક્ડે ફરીયાદી પાસેથી 7 લાખ લઇ લીધેલ હતા. બાકીના 3 લાખની ફરીયાદી પાસે લાંચની માંગણી કરેલ હોય, જે લાંચની રકમ ફરીયાદી આપવા માંગતા ન હોય જેથી ACBનો સંપર્ક કરી ફરીયાદ કરી હતી.
ACB ની ટ્રેપમાં સાયબર ક્રાઇમ બ્રાંચના પોલીસ કોન્સ્ટેબલ હરદીપસિહ ધર્મેન્દ્રસિહ પરમાર શાહીબાગ ખાતે આવેલા કેમ્પ હનુમાન ટેલીફોન એક્ષચેંજ બસ સ્ટેન્ડ પાછળ રંગે હાથે 3 લાખની લાંચ લેતા ACB ની ટ્રેપમાં ઝડપાયા છે.હાલતો ACB એ સાયબર ક્રાઇમના પોલીસ કોન્સ્ટેબલ હરદીપસિહ ધર્મેન્દ્રસિહ પરમારની ડિટેઇન કરીને વધુ પૂછપરછ હાથ ધરી છે.