અમદાવાદ : AMC તંત્ર ફૂલ એક્શન મોડમાં આવ્યું છે. જાહેર માર્ગો પર ગંદકી ફેલાવનારા એકમો પર તાબડતોડ એક્શન કરીને સીલ કરી રહ્યું છે, જેમાં શહેરના જાણીતા એકમો શામેલ છે. આ તમામ એકમોને તંત્ર સખ્ત નોટીસ પણ પાઠવી રહ્યું છે.
મળતી વિગતો મુજબ અમદાવાદના જાહેર માર્ગ ઉપર ગંદકી કરવા બદલ થલતેજ, બોડકદેવ અને ચાંદલોડીયા વોર્ડમાં 15 એકમ મ્યુનિ.ના સોલિડ વેસ્ટ વિભાગ દ્વારા સીલ કરવામા આવ્યા હતા. ચાંદલોડીયા વોર્ડમાં સીલ કરવામા આવેલા એકમમાં ઈટાવિયન બેગ,ધ હંગરી હાઉસ સહિત અન્યો સામે કડક કાર્યવાહી કરી વહીવટી ચાર્જ પણ વસુલ કરાયો હતો.
થલતેજ વોર્ડમાં ઈટાવિયન બેગ, ચાય હૈ ના, ચાય પે ચર્ચા, સંજીવની હોસ્પિટલ સામે,વસ્ત્રાપુર, રુત્વા,થલતેજ, ધાગા,ઓકસફર્ડ ટાવર, આદિશ્વરી, તુલીપ ફલોરા, બોડકદેવ, સમર્થ ફલોરીસ્ટ, ઉમિયા સેનેટરી માર્ટ, ડોકટર કલીનીક, ઓવરસીઝ, કન્હૈયા પાર્લર ઉપરાંત સાનવી નિર્માણ ડેવલપરની સાઈટનો સીલ કરેલા એકમમા સમાવેશ થાય છે. ઝોનના અન્ય વોર્ડ વિસ્તારમાં 33 એકમને નોટિસ આપી બે લાખથી વધુનો દંડ વસુલ કરવામા આવ્યો હતો.