અમદાવાદ: અમદાવાદ શહેરમાં વધુ એક અકસ્માતની ઘટના સામે આવી છે. ખુદ AMCના વાહને બાઇકને ટક્કર મારી હોવાની ઘટના બની છે. સોલિડ વેસ્ટ વિભાગના વાહને બાઇકને અડફેટે લીધું હતું. આ અકસ્માતમાં બાઇક ચાલકને ગંભીર ઇજા પહોંચી છે. જ્યારે ગંભીર રીતે ઘાયલ બાઇક ચાલકને સારવાર માટે એલજી હોસ્પિટલ ખસેડવામાં આવ્યો છે.
પ્રાપ્ત રિપોર્ટ મુજબ AMCના સોલિડ વેસ્ટ વિભાગના વાહને બાઇકને ટક્કર મારતા AMCના વાહને બાઈકને ટક્કર મારી હતી અને તેનું આગળનું પૈડું ટુ વ્હીલર પર ચડી ગયું હતું. આ અકસ્માતમાં બાઇક ચાલકને ગંભીર ઇજા પહોંચી છે. જ્યારે ગંભીર રીતે ઘાયલ બાઇક ચાલકને સારવાર માટે એલજી હોસ્પિટલ ખસેડવામાં આવ્યો છે.ઘટનાને પગલે મોટી સંખ્યામાં લોકો એકઠા થઇ ગયા હતા.જ્યારે એવી પણ માહિતી સામે આવી છે કે, AMCના વાહન ચાલક પાસે લાયસન્સ નહોતું. ડ્રાઈવર લાયસન્સ વગર મનપાનું વાહન ચલાવતો હતો.
આ અગાઉ AMCના ડમ્પર ચાલકે રિવરફ્રન્ટ પર ઘણા વાહનો અને ઝુંપડાને અડફેટે લીધા હતા. AMCના ડમ્પરે જ અકસ્માત સર્જ્યો હોવાની ઘટના બની હતી. રિવરફ્રન્ટ ખાતે AMCનું ડમ્પર બે કાચા મકાનમાં ઘુસી ગયું હતું. જેના પગલે મોટી સંખ્યામાં સ્થાનિકો ભેગા થઇ ગયા હતા અને સ્થાનિકોએ ભારે હોબાળો મચાવ્યો હતો. ડમ્પર ઘુસી જતાં મકાનને નુકસાન પહોંચ્યું હતું. જ્યારે ભારે હોબાળો થતાં પોલીસ ઘટના સ્થળે દોડી આવી હતી અને મામલો થાળે પાડવા પ્રયાસ હાથ ધર્યો હતો.