અમદાવાદ : અમદાવાદની જાણીતી રેસ્ટોરન્ટની બેદરકારી સામે આવી છે. અમદાવાદના સાઉથ બોપલમાં આવેલા ટોમેટોઝ કેરી ઓન રેસ્ટોરન્ટમાં મિત રાવલ નામનો યુવક મિત્રો સાથે જમવા ગયો હતો. જ્યાં યુવકે જમવામાં વેજ મેક્સિકન હોટપોટનો ઓર્ડર આપ્યો હતો. જમવાનું શંકાસ્પદ લાગતા ચેક કરતા ચિકન નીકળ્યું હતું. વેજ ખાવામાં નોન વેજ પીરસાતા મામલો બિચક્યો હતો.આ અંગે રેસ્ટોરન્ટના મેનેજરને વાત કરી ત્યારે તેને કબૂલ્યું, પરંતુ કોઈ જવાબ ન આપ્યો. જેથી યુવકે આ અંગે રેસ્ટોરન્ટના માલિકને ફરિયાદ કરી હતી.
પ્રાપ્ત વિગતો મુજબ અમદાવાદના સાઉથ બોપલમાં આવેલા ટોમેટોઝ કેરી ઓન રેસ્ટોરન્ટમાં મિત રાવલ નામનો યુવક ગઈકાલે રાતે મિત્રો સાથે જમવા ગયો હતો. જ્યાં યુવકે જમવામાં વેજ મેક્સિકન હોટપોટ, ચોકલેટ ટ્રફ્લ, દાળ મખની, પરોઠા, રાઈસ અને ગુલાબજાંબુનો ઓર્ડર આપ્યો હતો. ઓર્ડર બાદ યુવક જામી રહ્યો હતો ત્યારે હોટપોટ શંકાસ્પદ લાગતા તેમાં ચેક કરતા ચિકન નીકળ્યું હતું. વેજ ઓર્ડર બાદ પણ ચિકન આવતા તમામ રોષે ભરાયા હતા.વેજ ખાવામાં નોન વેજ પીરસાતા મામલો બિચક્યો હતો.આ અંગે રેસ્ટોરન્ટના મેનેજરને વાત કરી ત્યારે તેને કબૂલ્યું, પરંતુ કોઈ જવાબ ન આપ્યો. જેથી યુવકે આ અંગે રેસ્ટોરન્ટના માલિકને ફરિયાદ કરી હતી.
સમગ્ર મામલે મીત રાવલે હોટલના મેનેજરને ફરીયાદ કરી હતી. પરંતુ કોઈએ રજૂઆત ન સાંભળી. જેથી આરોગ્ય વિભાગને ફરિયાદ કરવામાં આવી હતી. આરોગ્ય વિભાગની ટીમે રેસ્ટોરન્ટમાં તપાસ કરી અને રેસ્ટોરન્ટના માલિકને 10 હજારનો દંડ ફટકાર્યો છે.