અમદાવાદ : અમદાવાદમાં રમાયેલી વર્લ્ડકપની મેચમાં ઓસ્ટ્રેલિયાએ જીત મેળવી હતી. ત્યાર બાદ આજે ઓસ્ટ્રેલિયન ક્રિકેટ ટીમના કપ્તના વર્લ્ડ કપની ટ્રોફી સાથે રિવર ફ્રન્ટની મુલાકાત લીધી છે. વર્લ્ડ કપની ટ્રોફી જીત્યા બાદનો કાર્યક્રમ યોજવામાં આવ્યો છે. તેમજ અક્ષર રિવર ક્રુઝમાં ઓસ્ટ્રેલિયાના કેપ્ટને ફોટાશુટ કરાવ્યુ છે. જેના પગલે અટલ બ્રિજ થી સરદાર બ્રિજના નીચે જવાનો રસ્તો બંધ કરવામાં આવ્યો છે.
પ્રાપ્ત વિગતો મુજબ ઓસ્ટ્રેલિયાની ક્રિકેટ ટીમના કેપ્ટન ઈનામી ટ્રોફી લઈને રિવરફ્રન્ટ પહોંચ્યા હતા. રિવરફ્રન્ટ ખાતે ક્રૂઝ પર ફોટો શૂટ કરાવ્યું હતું. આ કારણે મુલાકાતીઓ માટે અટલ બ્રિજ અને લોઅર પ્રોમિનાડ બંધ રખાયો હતો. રિવર ક્રુઝ પર લગભગ એક કલાક સુધી તેમનું ફોટોસેશન ચાલ્યું હતું. અને જીતનું સેલિબ્રેશન કરવામાં આવ્યું હતું.
પોલીસ બંદોબસ્ત સાથે કાર્યક્રમ યોજવામાં આવ્યો છે. ઓસ્ટ્રેલિયાના કેપ્ટનને નદી વચ્ચે ક્રુઝ લઈ જઈને ફોટો શુટ કરાવ્યો હતો. જેમાં અટલ બ્રિજ આવે તેવી રીતે ફોટા પાડવામાં આવ્યા છે.