અમદાવાદ : અમદાવાદમાં મ્યુનિસિપલ કોર્પોરેશન (AMC) દ્વારા એરપોર્ટ સર્કલથી ઇન્દિરા સર્કલ અને ત્યાંથી બ્રિજ સુધીનો રસ્તો PPP મોડેલ પર વિકસાવવાનો પ્રોજેક્ટ હાથ પર ધરવામાં આવ્યો છે. તેમાં PPP ધોરણે સૌપ્રથમ એરપોર્ટ સર્કલથી ઇન્દિરા સર્કલ બ્રિજ સુધીના રોડને આઇકોનિક રોડ બનાવાયો છે.
વીવીઆઈપી મુવમેન્ટ માટે મહત્ત્વના એરપોર્ટ સર્કલથી ઇન્દિરાબ્રિજ સુધીની રોડને PPP ધોરણે આઈકોનિક બનાવાયો છે. મુખ્ય રોડ ઉપરાંત સર્વિસ રોડ, મલ્ટિ ફંકશન ઝોન ગ્રીલ, ફૂટપાથ, પાર્કિંગ, સેન્ટ્રલ વર્જ, લેન્ડસ્ક્રેપિગ, સ્ટ્રીટ લાઈટ, વોટર બોડી, સ્ક્લ્પચર હોર્ડિંગ્સ પણ હવે મૂકાશે. આ સ્થળે મનોરંજનની પ્રવૃત્તિનો પણ વિકાસ કરાશે. PPP મોડલમાં આ સ્થળો જાહેરાતની આવકમાં 75 ટકાનો હિસ્સો કોન્ટ્રાક્ટર અને 25 ટકા હિસ્સો મ્યુનિ.નો રહેશે.1.85 કિલોમીટર લાંબો આઈકોનિક રોડ ડિવાઈડર ગ્રીલ સાથે બની ગયો હોવાથી રસ્તો ઓળંગવાની જગ્યા રહી નથી. પહેલા આ રોડ ટીપી પ્રમાણે 1200 મીટરનો હતો જે બાદ ત્યાં રી ડીપી હેઠળ 650 મીટર વધારીને પહોળો કરાયો છે. મ્યુનિ.એ રેકોર્ડ સમયમાં આ રોડ તૈયાર કરી દીધો છે.
અહીં ફક્ત રોડ જ નહીં વિકસે, સમગ્ર વિસ્તારનું ડેવલપમેન્ટ થશે. મનોરંજનની પ્રવૃત્તિ માટેના વિસ્તારનો વિકાસ, કિઓસ્ક, બસ સ્ટેન્ડ, બોલાર્ડ, કેટલ ટ્રેપ ગેન્ટ્રી, સેલ્ફી પોઇન્ટ, હાઉસ કીપિંગ, સ્ટ્રીટ લાઇટિંગ, એલઇડી લાઇટ સહિતની કામગીરી કરવામાં આવશે. તેની જાળવણીનો ખર્ચો 15 વર્ષ સુધી સંલગ્ન કંપની ઉઠાવશે.
આ આઇકોનિક રોડ ગાંધીનગર અને અમદાવાદ શહેરને જોડતો મુખ્ય માર્ગ છે. એરપોર્ટથી ગાંધીનગર તરફ વીવીઆઇપી અવર-જવર વધારે હોવાથી આ માર્ગને આઇકોનિક માર્ગ તરીકે વિકસાવાઈ રહ્યો છે. આ રોડને વિકસાવવા માટે રસ્તાની આસપાસના વિવિધ સ્ટ્રકચર્સને દૂર કરવામાં વ્યા હતા. તેમા 86 કોમર્સિયલ સ્ટ્રક્ચર, 112 રહેણાક, 13 મંદિર એમ કુલ 211 જેટલા સ્ટ્રકચર્સને દૂર કરવામાં આવ્યા છે.
PPP મોડેલ હેઠળ સુશોભિત લાઇટ, સેન્ટ્રલ વર્જની ગ્રીલ, સ્કલ્પચર્સ, લેન્ડસ્કેપિંગ, ટોપોગ્રાફી, વોટર ફાઉન્ટેન, વોટર બોડી, વોટર ફોલ, ટપક સિંચાઈ સહિતની સગવડો ઉપરાંત મલ્ટિ ફંકશનલ ઝોન, સેન્ટ્રલ વર્જ તથા ટ્રાફિક આયરલેન્ડ વગેરેનો વિકાસ કરવામાં આવી રહ્યો છે.