અમદાવાદ : અમદાવાદના એલીસબ્રિજ ડોક્ટર હાઉસમાં ACBએ સફળ ટ્રેપ ગોઠવી હતી. ફૂ઼ડ એન્ડ ડ્રગ્સ વિભાગના ઈન્સ્પેક્ટરે 8 હજારની લાંચ માંગી તેનો સ્વીકાર કરતાં દવાનો દુકાનદાર ઝડપાયો છે. એક મેડિકલ સ્ટોર સંચાલકે ACBનો સંપર્ક સાધીને ફરિયાદ કરી હતી. ફરિયાદમાં ઉલ્લેખ કર્યો હતો કે ફૂડ એન્ડ ડ્રગ્સ વિભાગના ઈન્સપેક્ટર મહેશ બક્ષી ઈન્સેપક્શન માટે મેડિકલ સ્ટોર પર આવતાં હોય છે.
પ્રાપ્ત રિપોર્ટ મુજબ ફૂ઼ડ એન્ડ ડ્રગ્સ વિભાગનો ફૂડ ઈન્સ્પેકટર મહેશ બક્ષી અવારનવાર ડોકટર હાઉસમાં આવેલા જુદા જુદા મેડિકલ સ્ટોરમાં જતો હતો તેમજ વાર તહેવારે તે મેડિકલ સ્ટોરના માલિકો પાસેથી પૈસા પણ પડાવતો હતો. જ્યારે ડોક્ટર હાઉસમાં આવેલા દિપક મેડિકલ સ્ટોરના માલિક મનીષકુમાર હસમુખલાલ ઠકકર મહેશ બક્ષી વતી આસપાસના મેડિકલ સ્ટોરમાંથી પૈસા ઉઘરાવતો હતો.
તા. 22 જૂલાઈએ મહેશ બક્ષી તે મેડિકલ સ્ટોર ઉપર ગયો હતો અને કહ્યું હતુ કે મનીષકુમાર ઠકકરને રૂ.8 હજાર આપી દેજો. નહીં તો તારી ઉપર ખોટો કેસ કરીને ફસાવી દઈશ અને મેડિકલ સ્ટોર ઉપર નોટિસ પણ લગાવી દઈશ. ત્યારબાદ મહેશ બક્ષીએ ફોન કરીને દીપક મેડિકલ સ્ટોરના માલિક મનીષકુમાર ઠકકરને આ પૈસા આપી દેવાનું કહેતા તે મેડિડક સ્ટોરના માલિકે ACBનો સંપર્ક કર્યો હતો. જેના આધારે ACB પીઆઈ ડી.બી.મહેતા એ છટકુ ગોઠવ્યુ હતુ.
બાતમીના આધારે ACBએ ટ્રેપ ગોઠવી હતી. ફૂ઼ડ એન્ડ ડ્રગ્સ વિભાગના ઈન્સ્પેક્ટર વતી 8 હજારની લાંચ લેતા દિપક મેડિકલ સ્ટોર (ડોક્ટર હાઉસ પરિમલ ગાર્ડન) માલિક મનિષ હસમુખલાલ ઠક્કરને ઝડપી લીધા હતા.