અમદાવાદ : નરેન્દ્ર મોદી સ્ટેડિયમ ખાતે આગામી 25 જાન્યુઆરી અને 26 જાન્યુઆરી 2025ના રોજ કોલ્ડપ્લે કોન્સર્ટ યોજાવાનો છે. જેમાં કેટલાક લોકો આ કોન્સર્ટની ટિકીટના કાળા બજાર કરતા હોવાથી પોલીસ તેમની પર બાજ નજર રાખી રહી છે. દરમિયાન .ઘાટલોડીયા પોલીસે કોલ્ડ પ્લેના કોન્સર્ટની ટિકિટ બ્લેકમાં વેચનાર બે યુવકની ધરપકડ કરી છે. આરોપીઓ મૂળ કિંમત કરતાં ઊંચા ભાવે ટિકિટ વેચતાં હતા.
પ્રાપ્ત રિપોર્ટ મુજબ, ઘાટલોડિયા સ્ટેશનના પી.આઈ જે.એસ કંડોરીયાને બાતમી મળી હતી કે, બે યુવકો મોટેરાના નરેન્દ્ર મોદી સ્ટેડિયમ ખાતે યોજનારી કોલ્ડ પ્લે કોન્સર્ટની ટીકીટ બ્લેકમાં વેચી રહ્યાં છે જેના આધારે પોલીસે સતાધાર ચાર રસ્તા પાસેથી શિવમ રાવલ (રહે. આર્યમાન રેસીડેન્સી શીલજ) અને રોહન આહુજા (રહે. શ્યામવિલા -2, સાઉથ બોપલ) નામના બે યુવકોની ધરપકડ કરી છે.
આરોપીઓ પાસેથી 7,500ની કિંમતની ટિકિટો મળી આવી હતી જે ટિકિટોને તેઓ બજારમાં 9000 રૂપિયાના ભાવે એટલે કે ટિકિટની મૂળ કિંમત કરતાં ઊંચા ભાવેના રૂપિયામાં વેચવાના હતા. તેઓ પાસેથી છ જેટલી ટિકિટો મળી આવી છે, જે કબજે કરી બંને આરોપીઓની ધરપકડ કરીને પોલીસે વધુ તપાસ હાથ ધરી છે.
