પાટણ : ગુજરાત સરકાર દ્વારા તાજેતરમાં પોલીસ ભરતીની પ્રક્રિયા ચાલી રહી છે. બહેનોને પ્રેરણાદાયક કિસ્સો સામે આવ્યો છે. મહેસાણા જિલ્લાના પાટણ તાલુકાના હાજીપુર ગામના સામાન્ય પરિવારની ચાર સગી બહેનો એક સાથે પોલીસ વિભાગમાં નિમણૂંક લઇ સમાજને નવો રાહ ચીંધ્યો છે.બહેનોને પ્રેરણાદાયક કિસ્સો પાટણ તાલુકાના હાજીપુર ગામના સામાન્ય પરિવારની ચાર સગી બહેનો એક સાથે પોલીસ વિભાગમાં નિમણૂંકને લઈ સમાજને ઉદાહરણ પૂરું પાડે છે.
પ્રાપ્ત રિપોર્ટ મુજબ, પાટણ તાલુકાના હાજીપુર ગામે રહેતા ઈશ્વરભાઈ મગનભાઈ ચૌહાણ વ્યવસાય પાટણમાં પ્લમ્બર કામ કરી પરિવારનું ગુજરાન ચલાવતા હતા. સાથે સાથે તેમના સંતાન ચાર દીકરીઓ જાગૃતિ, હિના, હેતલ અને પ્રિયંકા તેમજ દીકરા ઉત્તમ ને શિક્ષણ પૂરતું અપાવ્યું છે. તેમાં હેતલ એ સારી ખેલાડી છે. તેણે એથલેટિક્સમાં 40થી વધુ મેડલ મેળવ્યા છે. ચૌહાણ પરિવારની ચારેય દીકરીઓ સ્પોર્ટસમાં આગળ હતી. જેનો લાભ લઈ વર્ષ 2023 ની પોલીસ ભરતીમાં આ ચાર સગી બહેનોએ પોતાના ફોર્મ ભર્યા હતા, અને ચારેય બહેનો બિનહથિયારી પોલીસમાં પસંદગી પામી છે. પરિવારની સંતાન ચાર દીકરીઓ જાગૃતિ, હિના, હેતલ અને પ્રિયંકાને તેમણે જે શિક્ષણ અપાવ્યું, તેનાથી દીકરીઓએ પરિવારનું નામ રોશન કર્યું છે.
આજે ચારેય દીકરીઓ અમદાવાદ, ગાંધીનગર અને મહેસાણામાં નિમણુંક લઈને ફરજ બજાવી રહી છે. એક જ પરિવારની ચાર સગી બહેનોએ માતા-પિતાના સંઘર્ષને નજર સમક્ષ રાખી ખુબ મહેનત કરી સફળતા મેળવી છે. સમાજમાં ઉત્તમ ઉદાહરણ પૂરું પાડ્યું છે તેવું તેમના કોચ રમેશભાઈ દેસાઈએ જણાવ્યું હતું.રમેશભાઈ આ દીકરીઓને દોડની પ્રેક્ટિસ સાથે સાથે સ્પર્ધાત્મક વર્ગોની લેખિત તૈયારી પણ કરાવતા હતા.
પાટણ તાલુકાનું હાજીપુર ગામ રમત ગમત ક્ષેત્રે તેમજ પોલીસ ભરતીમાં છેલ્લા ઘણા સમયથી અગ્રેસર રહ્યું છે. રમત ગમતની સ્પર્ધામાં નીમા ઠાકોરે ગુજરાતનું નામ રોશન કર્યું છે. ત્યારે હવે આ જ ગામની સગી ચાર બહેનો પોલીસ ભરતીમાં પસંદગી પામી છે. જેને લઈ ગામનું ગૌરવ વધ્યું છે.