અમદાવાદ: અમદાવાદ શહેરમાં અત્યાર સુધી ડ્રોન ઉડાડવા પર કોઈ નિયંત્રણ ન હતું, પરંતુ હવે અમદાવાદ શહેરમાં મંજૂરી વગર ડ્રોન ઉડાડવામાં આવ્યું તો તે ગુનો બનશે. આમ અમદાવાદ શહેરમાં હવે મંજૂરી વગર ડ્રોન ઉડાડવાને લઈને પ્રતિબંધ આવી ગયો છે. આમ જો તમારે ડ્રોન ઉડાડવું હશે તો મંજૂરી લેવી પડશે.હવે અમદાવાદ શહેરના પોલીસની પૂર્વ મંજૂરી વગર કોઈપણ વ્યક્તિ ડ્રોન ઉડાડી શકશે નહીં.
પ્રાપ્ત રિપોર્ટ મુજબ, અમદાવાદ શહેરના મહત્વપૂર્ણ સરકારી અને પ્રાઇવેટ સ્થળોની સુરક્ષા માટે અમદાવાદ પોલીસ દ્વારા એક મોટો નિર્ણય લેવામાં આવ્યો છે. અમદાવાદ શહેર પોલીસ કમિશનર દ્વારા એક જાહેરનામું બહાર પાડવામાં આવ્યું છે. જે મુજબ હવે અમદાવાદ શહેરમાં પોલીસની પૂર્વ મંજૂરી વગર કોઈપણ વ્યક્તિ ડ્રોન ઉડાડી શકશે નહીં. સુરક્ષાના કારણોસર શહેરના 201 જેટલા સંવેદનશીલ સ્થળો પર ડ્રોન ઉડાડવા પર પ્રતિબંધ લગાવવામાં આવ્યો છે. આવનારી 16 ઓક્ટોબર સુધી પોલીસ કમિશનરની મંજૂરી વગર ડ્રોન ઉડાડી શકશે નહીં.
અમદાવાદ શહેર પોલીસ કમિશનર જી.એસ.મલિક દ્વારા બહાર પાડવામાં આવેલા જાહેરનામા મુજબ અમદાવાદ શહેરના જુદા જુદા વિસ્તારોમાં ખાસ કરીને એરપોર્ટ, આર્મી ,કેન્ટોનમેન્ટ ,સેન્ટ્રલ જેલ, વીઆઈપી, VVIPના રહેઠાણો, મેટ્રો, રેલવે, મહત્વપૂર્ણ પાવર સ્ટેશનો, ઔદ્યોગિક એકમો એની સાથે મહત્વપૂર્ણ સરકારી કચેરીઓની સુરક્ષા કરવાની જવાબદારી શહેર પોલીસની છે, આ વિસ્તારો પણ ડ્રોન ઉડાવી શકાય નહીં.
જાહેરનામામાં જણાવવામાં આવ્યું છે કે, રિમોટ કંટ્રોલ સંચાલિત એરક્રાફ્ટ કે પેરાગ્લાઈડર જેવા સંસાધનોથી દેશ વિરોધી સંગઠનો આતંકવાદીઓ અને ભાંગ ફોડિયા તત્વો લઈને અમદાવાદ શહેરની સુરક્ષાને હાની પહોંચાડવાની શક્યતાના કરી શકાય નહીં.
આ જાહેરનામું 18 ઓગસ્ટ 2025થી અમલમાં આવશે અને 16 ઓક્ટોબર 2025ના રાત્રીના 12 વાગ્યા સુધી અમલી રહેશે, અને જો કોઈ વ્યક્તિ આ જાહેરનામાનું ભંગ કરશે તો તેની સામે કાયદેસરની કાર્યવાહી કરવામાં આવશે. પોલીસ દ્વારા આ પગલું શહેરની સુરક્ષા વ્યવસ્થાને વધુ મજબૂત બનાવવા માટે લેવામાં આવ્યું છે.