Sunday, November 22, 2026

અમદાવાદમાં પ્રોપર્ટી કાર્ડ કઢાવવા માંગતા લોકો માટે રાહતના સમાચાર, જૂના માલિકોની સહી વગર પણ બની શકશે કાર્ડ

spot_img
Share

અમદાવાદ : અમદાવાદમાં મિલકત ખરીદનારા અને પ્રોપર્ટી કાર્ડ કઢાવવા માંગતા અરજદારો માટે એક મોટા રાહતના સમાચાર સામે આવ્યા છે. હવેથી રજિસ્ટર્ડ દસ્તાવેજના આધારે પ્રોપર્ટી કાર્ડ બનાવવા માટે જૂના માલિકોની સહીની હવે કોઈ જરુરિયાત રહેશે નહીં. અમદાવાદ કલેક્ટર કચેરી ખાતે યોજાયેલી સંકલન સમિતિની બેઠકમાં આ અંગે મહત્વપૂર્ણ નિર્ણય લેવાયો છે અને કલેક્ટરે તમામ સબ રજિસ્ટ્રારોને આ અલેખિત નિયમ તાત્કાલિક અસરથી રદ કરવાની કડક સૂચના આપી છે.

રિપોર્ટ મુજબ, અમદાવાદ જિલ્લા કલેક્ટર કચેરી ખાતે યોજાયેલી સંકલન સમિતિની બેઠકમાં મિલકતધારકોની સુવિધા માટે આ મહત્વપૂર્ણ નિર્ણય લેવામાં આવ્યો છે. એલિસબ્રિજના ધારાસભ્ય અમિત શાહ દ્વારા સંકલન સમિતિની બેઠકમાં અમદાવાદ કલેક્ટર સામે અરજદારોને પડતી મુશ્કેલીઓ અંગે રજૂઆત કરી હતી. આ રજૂઆતને ગંભીરતાથી લઈને કલેક્ટકરે હાજર સબ રજિસ્ટ્રારોને સ્પષ્ટ આદેશ આપ્યો છે કે, દસ્તાવેજના આધારે પ્રોપર્ટી કાર્ડ બનાવતી વખતે જો જૂના માલિકની સહી ઉપલબ્ધ ન હોય, તો પણ અરજદારનું કામ અટકાવ્યા વિના સરળતાથી પ્રોપર્ટી કાર્ડ બનાવી આપવું.

આ અગાઉ પ્રોપર્ટી કાર્ડ કઢાવવા માટે દસ્તાવેજમાં સામેલ તમામ જૂના માલિકોની સહી લેવી ફરજિયાત ગણવામાં આવતી હતી.જેના કારણે જો કોઈ એક જૂના માલિકની સહી ન મળે અથવા તેમનો સંપર્ક ન થઈ શકે, તો અરજદારનું પ્રોપર્ટી કાર્ડ નીકળી શકતું ન હતું.જેના કારણે પ્રોપર્ટી કાર્ડ કઢાવવાની પ્રક્રિયા અટકી જતી હતી.કોઈ એક જૂના માલિકની સહી ન મળવાના કારણે કે તેમનો સંપર્ક ન થઈ શકવાના લીધે અરજદારોના પ્રોપર્ટી કાર્ડ અટકી પડતા હતા, તે સમસ્યાનો હવે અંત આવશે.

જાણકારોનો મત મુજબ, જૂના માલિકોની સહી લેવાનો કોઈ સત્તાવાર કે લેખિત નિયમ જ નહોતો, છતાં રજિસ્ટ્રાર કચેરીઓમાં દસ્તાવેજમાં સામેલ તમામ જૂના માલિકોની સહી લેવી ફરજિયાત ગણવામાં આવતી હતી. જેના કારણે અરજદારોને કારણ વગર ધક્કા ખાવા પડતા હતા. સંકલન સમિતિની બેઠકમાં કલેક્ટરની આ સૂચના બાદ આ અલેખિત પ્રથા બંધ થશે. આ ફેરફારથી રજિસ્ટર્ડ વેચાણ દસ્તાવેજ ધરાવતા નાગરિકો માટે સિટી સર્વે કચેરીમાંથી પ્રોપર્ટી કાર્ડ મેળવવાની પ્રક્રિયા વધુ સરળ અને ઝડપી બનશે.જેનાથી હજારો મિલકતધારકોના સમય અને શક્તિનો બચાવ થશે.

અમદાવાદ જિલ્લા કલેક્ટર કચેરી ખાતે યોજાયેલી બેઠકમાં વહીવટી પારદર્શિતા વધારવા માટે પણ એક નવી પહેલ કરવામાં આવી છે. વેજલપુરના ધારાસભ્ય અમિત ઠાકરના સૂચન બાદ, ધારાસભ્યો દ્વારા પૂછવામાં આવતા પ્રશ્નો અને રજૂઆતોનું સ્ટેટસ જાણવા માટે આગામી બેઠકથી એક નવી મોબાઈલ એપ્લિકેશન લોન્ચ કરવામાં આવશે. આ એપ પર તમામ ધારાસભ્યો પોતાના પ્રશ્નોની યાદી, તેની વર્તમાન સ્થિતિ અને કેટલા ટકા કામગીરી પૂર્ણ થઈ છે તેનો રિયલ-ટાઈમ ડેટા જોઈ શકશે.

વધુ વાંચો

સ્થાનિક સમાચાર

ભાજપનું નૂતન વર્ષ સ્નેહમિલન યોજાયું, CM ભૂપેન્દ્ર પટેલે કાર્યકરોને આપ્યો ખાસ સંદેશ, 22 નવેમ્બરે મોટું આયોજન

ગાંધીનગર : દિવાળી અને નવા વર્ષના પર્વ નિમિત્તે ગુજરાત ભાજપ દ્વારા આજે પ્રદેશ કક્ષાના સ્નેહમિલન સમારોહનું આયોજન કરવામાં આવ્યું હતું. ગાંધીનગર ખાતે ભાજપના પ્રદેશ...

અંબાજી-આબુ જતા વાહનચાલકો ધ્યાન આપો! PM મોદીની મુલાકાતને પગલે 13-14 નવેમ્બર સુધી આ માર્ગો રહેશે બંધ, જાણો વૈકલ્પિક રૂટ

અંબાજી : વડાપ્રધાન નરેન્દ્ર મોદી 13 અને 14 નવેમ્બરના રોજ ગુજરાતના પ્રવાસે આવી રહ્યા છે. આ દરમિયાન તેઓ બનાસકાંઠાના પ્રસિદ્ધ યાત્રાધામ અંબાજીની મુલાકાત લેશે....

PM મોદી 13 અને 14 નવેમ્બરે ગુજરાતના પ્રવાસે : લાભ પાંચમે અંબાજી ખાતે માતાજીનાં દર્શન કરી પૂજા-અર્ચના કરશે

અંબાજી : વડાપ્રધાન નરેન્દ્ર મોદી આગામી 13 અને 14 નવેમ્બરના રોજ ગુજરાતના બે દિવસીય પ્રવાસે આવી રહ્યા છે. આ બે દિવસીય પ્રવાસ દરમિયાન તેઓ...

ગાંધીનગરમાં ગિફ્ટ સિટી નજીક મેટ્રો ટ્રાયલ રનમાં ‘બ્રેક’, કેમ અચાનક અટકી કામગીરી?

ગાંધીનગર : GMRC સંચાલિત મેટ્રો રેલ પ્રોજેક્ટના ટ્રાયલ રન દરમિયાન અચાનક એક મોટી ટેકનિકલ ક્ષતિ સર્જાવાની ઘટના સામે આવી છે.શુક્રવારે (નવમી ઓક્ટોમ્બર) સવારે ગાંધીનગરમાં...

ભાદરવી પૂનમના મહામેળાનો આજે છેલ્લો દિવસ; 40 લાખનો આંકડો પાર, જય અંબેના નાદથી ગુંજી ઊઠ્યું અંબાજી

અંબાજી : શક્તિ, ભક્તિ અને આસ્થાના મહાકુંભ સમાન ભાદરવી પૂનમના ભાદરવી મહામેળાની આજે ભવ્ય પૂર્ણાહુતિ થઈ રહી છે. સાત દિવસીય મેળાના અંતિમ દિવસે વહેલી...

ભાદરવી પૂનમ મહામેળાના બીજા દિવસે અંબાજીમાં ભક્તોનો અવિરત પ્રવાહ, 4.25 લાખથી વધુ માઈભક્તો દર્શનાર્થે

અંબાજી : અંબાજીમાં ભાદરવી પૂનમના મહામેળાનો આજે બીજો દિવસ છે. મહામેળાના બીજા દિવસે પણ અંબાજીમાં મોટી સંખ્યામાં માઈભક્તો ઉમટી રહ્યા છે. વહેલી સવારથી જ...

ભાદરવી પૂનમ મહામેળાના પ્રથમ દિવસે ‘જય અંબે’ના જયઘોષથી ગુંજી ઉઠ્યું અંબાજી, 4.5 લાખ શ્રદ્ધાળુઓએ કર્યા દર્શન

અંબાજી : આસ્થા,ભક્તિ અને શક્તિના પવિત્ર ત્રિવેણી સંગમ સમા જગતજનની મા અંબાના પાવન ધામ અંબાજી ખાતે આજથી પરંપરાગત અને વિશ્વપ્રસિદ્ધ ભાદરવી પૂનમ મહામેળો-2026નો ભવ્ય...

જન્માષ્ટમી પર્વે સોમનાથ મહાદેવને અલૌકિક ‘કૃષ્ણ દર્શન શૃંગાર’ કરાયો ; 2 કરોડના સુવર્ણ મુગટથી મહાદેવને કરાયા અલંકૃત

સોમનાથ : પ્રથમ જ્યોતિર્લિંગ એવા ગીર સોમનાથ સ્થિત શ્રી સોમનાથ મહાદેવ મંદિરમાં જન્માષ્ટમીના પાવન પર્વ નિમિત્તે અત્યંત અલૌકિક અને મનમોહક ‘કૃષ્ણ દર્શન શૃંગાર’ કરવામાં...