અમદાવાદ : અમદાવાદ મ્યુનિસિપલ કોર્પોરેશનના ફૂડ વિભાગ દ્વારા આજે પાંજરાપોળ ચાર રસ્તા વિસ્તારમાં આવેલ “Barbecue World” નામના ખાદ્ય એકમ વિરુદ્ધ સીલ કરવાની કાર્યવાહી કરવામાં આવી છે.
રિપોર્ટ મુજબ,અમદાવાદ મ્યુનિસિપલ કોર્પોરેશનના ફૂડ વિભાગને CCRS મારફતે ફરિયાદ પ્રાપ્ત થઈ હતી કે પાંજરાપોળ ચાર રસ્તા વિસ્તારમાં આવેલ પીરસવામાં આવતા ખોરાકમાં જીવાત જોવા મળી હતી. ફરિયાદના આધારે ફૂડ વિભાગ દ્વારા તાત્કાલિક સ્થળ પર તપાસ હાથ ધરવામાં આવી હતી.
તપાસ દરમિયાન જાણવા મળ્યું કે એકમનું રસોડું તથા સ્ટોરેજ વિસ્તાર અત્યંત અસ્વચ્છ હાલતમાં હતું. સ્થળ પર જીવંત જીવાતો પણ જોવા મળ્યા હતા, જે ખાદ્ય સુરક્ષા અને સ્વચ્છતા સંબંધિત નિયમોનું ગંભીર ઉલ્લંઘન છે.આથી, જાહેર આરોગ્યના હિતને ધ્યાનમાં રાખીને તાત્કાલિક અસરથી આ ખાદ્ય એકમને સીલ કરવામાં આવ્યો છે.