અમદાવાદના પંચશીલ ગ્રુપ અને યશવી કન્સ્ટ્રક્શનના નેતૃત્વને સન્માન, રીડેવલપમેન્ટ ક્ષેત્રે નોંધપાત્ર કામગીરી બદલ પ્રતિષ્ઠિત એવોર્ડ એનાયત કરાયો

અમદાવાદ : અમદાવાદ સ્થિત પંચશીલ ગ્રુપના મેનેજિંગ ડિરેક્ટર (MD) તથા યશવી કન્સ્ટ્રક્શનના પ્રોપ્રાઇટર જીતેન્દ્ર શાહને રિયલ એસ્ટેટ ક્ષેત્રમાં તેમના નોંધપાત્ર અને અગ્રણી યોગદાન બદલ “Most Renowned & Prestigious Real-Estate Company in Gujarat 2026”ના પ્રતિષ્ઠિત એવોર્ડથી સન્માનિત કરવામાં આવ્યા છે.

આ પ્રતિષ્ઠિત સન્માન National Leaders Summit & Awards 2026 દરમિયાન એનાયત કરવામાં આવ્યું હતું. એવોર્ડ સમારોહમાં કેન્દ્રીય રાજ્ય મંત્રી, સતીષ ચંદ્ર દુબે (કોલસા અને ખાણ મંત્રાલય), કેન્દ્રીય કેબિનેટ મંત્રી, જીતન રામ માંઝી, (MSME મંત્રાલય) તથા અભિનેત્રી, રકુલ પ્રીત સિંહની વિશિષ્ટ ઉપસ્થિતિ રહી હતી.

જીતેન્દ્ર શાહને આ સન્માન એવા સમયે મળ્યું છે જ્યારે તેઓ અમદાવાદમાં જૂની રહેણાંક સોસાયટીઓ અને જર્જરિત રહેણાંક ઇમારતોના રીડેવલપમેન્ટ ક્ષેત્રે નોંધપાત્ર કામગીરી કરી રહ્યા છે. શહેરમાં વર્ષો જૂની અનેક રહેણાંક ઇમારતોમાં રહેવાસીઓને માળખાકીય સલામતી, પાર્કિંગની અછત, આધુનિક સુવિધાઓનો અભાવ, જાળવણી તથા બદલાતી જીવનશૈલીને અનુરૂપ રહેણાંક વ્યવસ્થાના પડકારોનો સામનો કરવો પડે છે.

આ પડકારોના ઉકેલરૂપે જૂની સોસાયટીઓના સુઆયોજિત રીડેવલપમેન્ટ દ્વારા રહેવાસીઓને સુરક્ષિત, આધુનિક અને સુવિધાસભર રહેણાંક ઉપલબ્ધ કરાવવાના પ્રયાસોમાં પંચશીલ ગ્રુપ તથા યશવી કન્સ્ટ્રક્શન દ્વારા મહત્વપૂર્ણ કામગીરી કરવામાં આવી રહી છે.જીતેન્દ્ર શાહના નેતૃત્વ હેઠળ બંને સંસ્થાઓ દ્વારા અમદાવાદના રિયલ એસ્ટેટ ક્ષેત્રમાં ગુણવત્તાયુક્ત બાંધકામ, આધુનિક આયોજન, પારદર્શિતા, સમયબદ્ધ કામગીરી અને રહેવાસીઓના હિતોને પ્રાથમિકતા આપીને રીડેવલપમેન્ટને વિશેષ મહત્વ આપવામાં આવી રહ્યું છે.

એવોર્ડ પ્રાપ્ત કર્યા બાદ જીતેન્દ્ર શાહે જણાવ્યું હતું કે, “આ સન્માન મારા માટે માત્ર એક એવોર્ડ નથી, પરંતુ અમદાવાદના વિકાસમાં વધુ જવાબદારીપૂર્વક યોગદાન આપવાની પ્રેરણા છે. જૂની સોસાયટીઓના રીડેવલપમેન્ટમાં રહેવાસીઓનો વિશ્વાસ, પારદર્શિતા, ગુણવત્તાયુક્ત બાંધકામ અને સમયસર કામગીરી સૌથી મહત્વપૂર્ણ છે.”

તેમણે વધુમાં જણાવ્યું હતું કે અમદાવાદમાં જૂની સોસાયટીઓનું રીડેવલપમેન્ટ કરવાનો હેતુ માત્ર નવી ઇમારતોનું નિર્માણ કરવાનો નથી. રહેવાસીઓને વધુ સુરક્ષિત, આધુનિક અને સુવિધાસભર જીવનશૈલી પૂરી પાડવી તથા શહેરના સુઆયોજિત અને ટકાઉ વિકાસમાં યોગદાન આપવું એ મુખ્ય ઉદ્દેશ છે.

જીતેન્દ્ર શાહે આ પ્રતિષ્ઠિત સન્માન માટે તમામ રહેવાસીઓ, ગ્રાહકો, બિઝનેસ એસોસિએટ્સ, આર્કિટેક્ટ્સ, કન્સલ્ટન્ટ્સ, કોન્ટ્રાક્ટર્સ અને સમગ્ર ટીમનો આભાર વ્યક્ત કર્યો હતો.તેમણે જણાવ્યું હતું કે આ એવોર્ડ માત્ર વ્યક્તિગત સિદ્ધિ નથી, પરંતુ પંચશીલ ગ્રુપ અને યશવી કન્સ્ટ્રક્શન સાથે જોડાયેલા સમગ્ર પરિવારની સામૂહિક સિદ્ધિ છે.

આ પ્રતિષ્ઠિત સન્માન સાથે જીતેન્દ્ર શાહે અમદાવાદની જૂની રહેણાંક સોસાયટીઓના રીડેવલપમેન્ટ તેમજ શહેરના આધુનિક અને ટકાઉ વિકાસ માટે આગામી સમયમાં વધુ વ્યાપક કામગીરી કરવાનો સંકલ્પ વ્યક્ત કર્યો છે. રીડેવલપમેન્ટ ક્ષેત્રે સુરક્ષા, ગુણવત્તા, પારદર્શિતા અને રહેવાસીઓના વિશ્વાસને કેન્દ્રસ્થાને રાખીને અમદાવાદના શહેરી વિકાસમાં યોગદાન આપવાનો તેમનો અભિગમ આ સન્માનથી વધુ મજબૂત બન્યો છે.