અમદાવાદ : શહેરના ઘાટલોડિયા વિસ્તારમાં આવેલી શ્રી આધ્યાશક્તિ પ્રાથમિક શાળામાં આશા એન્ડ પેટેસ ફાઉન્ડેશનની NGO દ્વારા ‘બર્ડ કેર સેમિનાર’નું આયોજન કરવામાં આવ્યું હતું. કાર્યક્રમનો મુખ્ય ઉદ્દેશ બાળકોમાં પક્ષીઓ પ્રત્યે પ્રેમ, દયા, માનવતા, સંવેદના અને માનવતાની ભાવના વિકસાવવાનો હતો.
રિપોર્ટ મુજબ, ઘાટલોડિયા સ્થિત શ્રી આદ્યશક્તિ પ્રાથમિક શાળા ખાતે ‘આશા એન્ડ પેટ્સ ફાઉન્ડેશન’ના સહયોગથી એક વિશેષ ‘બર્ડ કેર સેમિનાર’નું આયોજન કરવામાં આવ્યું હતું. આ સેમિનારનો મુખ્ય ઉદ્દેશ્ય બાળકોમાં અબોલ પક્ષીઓ પ્રત્યે પ્રેમ, દયા સંવેદના અને માનવતાની ભાવના કેળવવાનો હતો.
સેમિનારમાં સંસ્થાના ડાયરેક્ટર અવની શાહ પોતાની ટીમ સાથે શાળામાં ઉપસ્થિત રહ્યા હતા. ટીમ દ્વારા પાંજરામાં રાખવામાં આવેલા અને રેસ્ક્યુ કરાયેલા 16 પક્ષીઓને બાળકો સમક્ષ રજૂ કરવામાં આવ્યા હતા. પ્રાથમિક વિભાગના આશરે 550 વિદ્યાર્થીઓને આ પક્ષીઓ વિશે માહિતી આપવામાં આવી હતી.
બાળકોને પક્ષીઓની સંભાળ, તેમના પ્રત્યે દયા અને માનવતાભર્યું વર્તન રાખવા અંગે માર્ગદર્શન આપવામાં આવ્યું હતું. પક્ષીઓને નજીકથી નિહાળવાની અને સ્પર્શ કરવાની તક મળતા બાળકોએ ઉત્સાહપૂર્વક ભાગ લીધો હતો અને એક નવો અનુભવ મેળવ્યો હતો.