Thursday, November 19, 2026

અમદાવાદના આ વિસ્તારોમાં મહિલાઓ માટે વધુ 19 પિંક ટોઇલેટ બનશે, બેબી ફીડિંગ રૂમ- ડાયપર ચેન્જિંગ રૂમ સહિતની સુવિધા હશે

spot_img
Share

અમદાવાદ : અમદાવાદ શહેરમાં મહિલાઓ માટે સ્વચ્છ, સુરક્ષિત અને આધુનિક જાહેર શૌચાલયની સુવિધા ઊભી કરવા અમદાવાદ મ્યુનિસિપલ કોર્પોરેશન (AMC) દ્વારા નવા 19 પિંક ટોયલેટ બનાવવાનું આયોજન કરવામાં આવ્યું છે. શહેરમાં અગાઉથી 16 પિંક ટોયલેટ બનાવવામાં આવ્યાં છે. હવે વિવિધ ઝોનમાં અંદાજે રૂ.5.77 કરોડના ખર્ચે નવા ટોયલેટનું નિર્માણ કરવામાં આવશે. આ તમામ ટોયલેટમાં બેબી ફીડિંગ રૂમ, ડાયપર ચેન્જિંગ રૂમ અને સેનેટરી પેડ વેન્ડિંગ મશીન સહિતની સુવિધાઓ ઉપલબ્ધ કરાવાશે.

19 નવેમ્બરે ઉજવાતા વર્લ્ડ ટોઇલેટ ડેના અવસરે AMCના સોલિડ વેસ્ટ મેનેજમેન્ટ વિભાગ દ્વારા મહિલાઓની જાહેર સ્વચ્છતા અને સુવિધાઓને ધ્યાનમાં રાખીને આ આયોજનની વિગતો જાહેર કરવામાં આવી છે. હાલમાં અમદાવાદમાં 16 પિંક ટોઇલેટ કાર્યરત છે. હવે નવા 19 ટોઇલેટ બન્યા બાદ શહેરમાં આ પ્રકારનાં જાહેર શૌચાલયોનો વ્યાપ વધુ વધશે.

અમદાવાદના અલગ-અલગ વિસ્તારોમાં મહિલાઓને સરળતાથી જાહેર શૌચાલયની સુવિધા મળી રહે તે માટે નવા પિંક ટોઇલેટનું આયોજન કરવામાં આવ્યું છે. આ માટે શહેરના તમામ ઝોનમાં સ્થળોની પસંદગી કરવામાં આવી છે.

નવા પિંક ટોઇલેટ કયા વિસ્તારમાં બનશે તેની વિગતો નીચે મુજબ છે.

દક્ષિણ ઝોન: લાંભા, વટવા, દાણીલીમડા અને ઇસનપુરમાં કુલ 4 પિંક ટોઇલેટ.
ઉત્તર પશ્ચિમ ઝોન: ગોતા વિસ્તારમાં 1 પિંક ટોઇલેટ.
પશ્ચિમ ઝોન: સાબરમતી અને નવરંગપુરામાં કુલ 2 પિંક ટોઇલેટ.
ઉત્તર ઝોન: સૈજપુર, નરોડા, ઇન્ડિયા કોલોની, સરદારનગર અને કુબેરનગરમાં કુલ 6 પિંક ટોઇલેટ.
પૂર્વ ઝોન: અમરાઈવાડી, નિકોલ અને વસ્ત્રાલમાં કુલ 3 પિંક ટોઇલેટ.
મધ્ય ઝોન: અસારવા, શાહપુર અને જમાલપુરમાં કુલ 3 પિંક ટોઇલેટ.

આમ, શહેરના કુલ 6 ઝોનમાં 19 નવા પિંક ટોઇલેટનું નિર્માણ કરવામાં આવશે. આ સુવિધા ખાસ કરીને જાહેર સ્થળોએ અવરજવર કરતી મહિલાઓ માટે ઉપયોગી બનશે.

નવા નિર્માણ પામનાર પિંક ટોઇલેટમાં સ્થળની ઉપલબ્ધ જગ્યા અને જરૂરિયાત મુજબ પૂરતી ટોઇલેટ સીટની વ્યવસ્થા કરવામાં આવશે. આ ઉપરાંત દિવ્યાંગ મહિલાઓ માટે સુલભ ટોઇલેટ તેમજ જરૂરી સહાયક સુવિધાઓ ઉપલબ્ધ કરાવવામાં આવશે. મહિલાઓની વિશિષ્ટ જરૂરિયાતોને ધ્યાનમાં રાખીને દરેક ટોઇલેટમાં બેબી ફીડિંગ રૂમ, બેબી ડાયપર ચેન્જિંગ રૂમ, સેનેટરી પેડ વેન્ડિંગ મશીન તેમજ વપરાયેલ સેનેટરી પેડના યોગ્ય નિકાલ માટે ઇન્સિનરેટરની સુવિધા ઉપલબ્ધ કરાવવાનું આયોજન છે.

પિંક ટોઇલેટની સ્વચ્છતા, સુરક્ષા અને નિયમિત જાળવણી માટે અમદાવાદ મ્યુનિસિપલ કોર્પોરેશન દ્વારા જરૂરી વ્યવસ્થા કરવામાં આવશે. ટોઇલેટની સફાઈ, પાણીની ઉપલબ્ધતા અને અન્ય સુવિધાઓની દેખરેખ માટે મહિલા કેરટેકરની નિમણૂક કરવામાં આવશે, જેથી મહિલાઓને સ્વચ્છ અને સુરક્ષિત વાતાવરણ મળી રહે.

વધુ વાંચો

સ્થાનિક સમાચાર

ભાજપનું નૂતન વર્ષ સ્નેહમિલન યોજાયું, CM ભૂપેન્દ્ર પટેલે કાર્યકરોને આપ્યો ખાસ સંદેશ, 22 નવેમ્બરે મોટું આયોજન

ગાંધીનગર : દિવાળી અને નવા વર્ષના પર્વ નિમિત્તે ગુજરાત ભાજપ દ્વારા આજે પ્રદેશ કક્ષાના સ્નેહમિલન સમારોહનું આયોજન કરવામાં આવ્યું હતું. ગાંધીનગર ખાતે ભાજપના પ્રદેશ...

અંબાજી-આબુ જતા વાહનચાલકો ધ્યાન આપો! PM મોદીની મુલાકાતને પગલે 13-14 નવેમ્બર સુધી આ માર્ગો રહેશે બંધ, જાણો વૈકલ્પિક રૂટ

અંબાજી : વડાપ્રધાન નરેન્દ્ર મોદી 13 અને 14 નવેમ્બરના રોજ ગુજરાતના પ્રવાસે આવી રહ્યા છે. આ દરમિયાન તેઓ બનાસકાંઠાના પ્રસિદ્ધ યાત્રાધામ અંબાજીની મુલાકાત લેશે....

PM મોદી 13 અને 14 નવેમ્બરે ગુજરાતના પ્રવાસે : લાભ પાંચમે અંબાજી ખાતે માતાજીનાં દર્શન કરી પૂજા-અર્ચના કરશે

અંબાજી : વડાપ્રધાન નરેન્દ્ર મોદી આગામી 13 અને 14 નવેમ્બરના રોજ ગુજરાતના બે દિવસીય પ્રવાસે આવી રહ્યા છે. આ બે દિવસીય પ્રવાસ દરમિયાન તેઓ...

ગાંધીનગરમાં ગિફ્ટ સિટી નજીક મેટ્રો ટ્રાયલ રનમાં ‘બ્રેક’, કેમ અચાનક અટકી કામગીરી?

ગાંધીનગર : GMRC સંચાલિત મેટ્રો રેલ પ્રોજેક્ટના ટ્રાયલ રન દરમિયાન અચાનક એક મોટી ટેકનિકલ ક્ષતિ સર્જાવાની ઘટના સામે આવી છે.શુક્રવારે (નવમી ઓક્ટોમ્બર) સવારે ગાંધીનગરમાં...

ભાદરવી પૂનમના મહામેળાનો આજે છેલ્લો દિવસ; 40 લાખનો આંકડો પાર, જય અંબેના નાદથી ગુંજી ઊઠ્યું અંબાજી

અંબાજી : શક્તિ, ભક્તિ અને આસ્થાના મહાકુંભ સમાન ભાદરવી પૂનમના ભાદરવી મહામેળાની આજે ભવ્ય પૂર્ણાહુતિ થઈ રહી છે. સાત દિવસીય મેળાના અંતિમ દિવસે વહેલી...

ભાદરવી પૂનમ મહામેળાના બીજા દિવસે અંબાજીમાં ભક્તોનો અવિરત પ્રવાહ, 4.25 લાખથી વધુ માઈભક્તો દર્શનાર્થે

અંબાજી : અંબાજીમાં ભાદરવી પૂનમના મહામેળાનો આજે બીજો દિવસ છે. મહામેળાના બીજા દિવસે પણ અંબાજીમાં મોટી સંખ્યામાં માઈભક્તો ઉમટી રહ્યા છે. વહેલી સવારથી જ...

ભાદરવી પૂનમ મહામેળાના પ્રથમ દિવસે ‘જય અંબે’ના જયઘોષથી ગુંજી ઉઠ્યું અંબાજી, 4.5 લાખ શ્રદ્ધાળુઓએ કર્યા દર્શન

અંબાજી : આસ્થા,ભક્તિ અને શક્તિના પવિત્ર ત્રિવેણી સંગમ સમા જગતજનની મા અંબાના પાવન ધામ અંબાજી ખાતે આજથી પરંપરાગત અને વિશ્વપ્રસિદ્ધ ભાદરવી પૂનમ મહામેળો-2026નો ભવ્ય...

જન્માષ્ટમી પર્વે સોમનાથ મહાદેવને અલૌકિક ‘કૃષ્ણ દર્શન શૃંગાર’ કરાયો ; 2 કરોડના સુવર્ણ મુગટથી મહાદેવને કરાયા અલંકૃત

સોમનાથ : પ્રથમ જ્યોતિર્લિંગ એવા ગીર સોમનાથ સ્થિત શ્રી સોમનાથ મહાદેવ મંદિરમાં જન્માષ્ટમીના પાવન પર્વ નિમિત્તે અત્યંત અલૌકિક અને મનમોહક ‘કૃષ્ણ દર્શન શૃંગાર’ કરવામાં...