અમદાવાદ : અમદાવાદમાં વારંવાર જોખમી સ્ટંટ કરતા વીડિયો વાયરલ થતા હોય છે, ત્યારે વધુ એક જોખમી સ્ટંટનો વીડિયો વાયરલ થયો છે. વાયરલ વીડિયો અમદાવાદના સિંધુ ભવન રોડનો છે. આ વાયરલ વીડિયોમાં જોઈ શકાય છે કે મોપેડ ચાલક 2 યુવકો જોખમી સ્ટંટ કરી રહ્યા છે. આ યુવાનો જોખમી સ્ટંટ કરી પોતાનો અને અન્ય લોકોનો જીવ જોખમમાં મૂકી રહ્યા છે.વીડિયો વાઈરલ થતાં પોલીસ એક્શનમાં આવી હતી.પોલીસ દ્વારા વીડિયોમાં દેખાતા ઍક્સેસ પર સ્ટંટ કરતા યુવકની ધરપકડ કરવામાં આવી છે.
અમદાવાદ શહેરમાં એક વિડિયો સોશ્યલ મિડીયામાં વારયલ થયો હતો સિંધુભવન રોડ પર એક્ટીવા પર સ્ટંટ કરતા ચાલકનો વાયરલ થયેલ વિડિયો આધારે એક્ટીવા ચાલક વિરુધ્ધ કરવામાં આવેલ કાયદેસરની કાર્યવાહી અમદાવાદ શહેર ટ્રાફિક પોલીસ#ahmedabadpolice @PoliceAhmedabad @SafinHasan_IPS pic.twitter.com/FJTeLLqY53
— Ahmedabad Police અમદાવાદ પોલીસ (@AhmedabadPolice) June 25, 2023
પ્રાપ્ત વિગતો મુજબ સિંધુભવન રોડ પર અવારનવાર જોખમી વાહન ચલાવવા તથા સ્ટંટ કરતા વાહન ચાલકોના વીડિયો સામે આવી રહ્યા છે, ત્યારે સિંધુભવન રોડ પરનો વધુ બે વીડિયો સામે આવ્યો છે. ચાલુ વાહને સીટ પર ચઢી યુવક વાહન ચલાવી પોતાની તથા અન્ય વાહન ચાલકોની જિંદગી જોખમમાં મૂકીને વાહન ચલાવી રહ્યાના 2 અલગ અલગ વીડિયો સામે આવ્યા છે.વીડિયો વાઈરલ થતાં પોલીસ એક્શનમાં આવી હતી.પોલીસ દ્વારા વીડિયોમાં દેખાતા ઍક્સેસ પર સ્ટંટ કરતા યુવકની ધરપકડ કરવામાં આવી છે. યુવક વિરુદ્ધ મોટર વ્હીકલ એક્ટ મુજબ ગુનો નોંધીને વાહન જમા કરવામાં આવ્યું છે. યુવકનું નામ સાહિલ દાંતણીયા હોવાનું તથા યુવક વેજલપુરમાં રહતા હોવાનું જાણવા મળ્યું છે. આ ઉપરાંત યુવક સાથે અન્ય પણ યુવક એક્ટિવા પર સ્ટંટ કરી રહ્યો હતો જેની પોલીસ શોધખોળ કરી રહી છે. અન્ય યુવકની ધરપકડ કરી તેની વિરુદ્ધ પણ આ પ્રકારે જ કાર્યવાહી કરવામાં આવશે.
આ અગાઉ દિવાળી સમયે પણ કેટલાક નબીરાઓએ લોકોનો જીવ જોખમમાં મૂકાય તે રીતે રોડ પર આડેધડ વાહનો ફેરવી ફટકડા ફોડ્યા હતા. જેના વીડિયોએ હાહાકાર મચાવી દેતા સરખેજ પોલીસે આરોપીઓની ધરપકડ કરી કાયદાનું ભાન કરાવ્યું હતું. ત્યારે હવે ફરી આવો જ એક વીડિયો સામે આવ્યો, જેમાં કેટલાક તત્વો સિંધુભવન રોડ પર લોકોના જીવ જોખમાય એ રીતે ગાડી લઇને નીકળ્યા અને રીલ બનાવતા હતા. જેને લઇને પોલીસે ગુનો નોંધી આરોપીઓની અટકાયત કરી કાયદાનું ભાન કરાવ્યું છે.